Улсын их баяр наадмын хүчит бөхийн барилдааны тойм

2024
Улсын их баяр наадмын хүчит бөхийн барилдааны тойм

Хүннү гүрэн байгууллагдсаны 2223 жил, Их Монгол Улс байгуулагдсаны 808 жил, Ардын хувьсгалын 93 жилийн ой, Үндэсний их баяр наадмын хүчит бөхийн барилдаанд Дархан аварга Агваансамдангийн Сүхбат, дархан аварга Гэлэгжамцын Өсөхбаяр тэргүүтэй 512 бөх зодоглосноос таван аварга (дархан аварга Г.Өсөхбаяр, А.Сүхбат, улсын аварга О.Балжинням, С.Мөнхбат, Г.Эрхэмбаяр), зургаан арслан, таван гарьд, 12 заан, 20 харцага, 53 начин цолтон, мөн аймаг, цэргийн арслан 92, заан 20, харцага 17, начин 59, залуу 221 бөх зодоглож уран мэхийг уралдуулан, наадамчин олноо баясгалаа.

            Хүчит бөхийн барилдааны шөвгийн дөрөвт улсын гарьд Н.Ганбаатар, улсын заан Ч.Санжаадамба, улсын харцага Н.Батсуурь болон улсын начин Ш.Жаргалсайхан нар үлдэн барилдаж наадамчин олноо баясгаснаас Увс аймгийн Ховд сумын харьяат Увснуур дэвжээний бөх улсын харцага Н.Батсуурь, Завхан аймгийн Шинэ-Идэр сумын харьяат Хилчин дэвжээний бөх Ш.Жаргалсайхантай үзүүр түрүүнд үлдэн барилдсанаас улсын харцага Н.Батсуурь ёс даван түрүүлсэн улсын арслан, улсын начин Ш.Жаргалсайхан үзүүрлэн улсын гарьд цолны эзэн боллоо. Харин Говь-Алтай аймгийн Чандмань сумын харьяат, "Хүч” спорт хороо, "Хантайшир” дэвжээ, "Туушин” компанийн бөх, улсын гарьд Н.Ганбаатар болон Архангай аймгийн Хашаат сумын харьяат улсын заан Ч.Санжаадамба нар шөвгөрлөө.

 

Улсын начин цолтон

1.      Төв аймгийн Баяндэлгэр сумын харьяат Дүнжингарав дэвжээ, Багануур ХК, Акс херо компаний бөх аймгийн хурц арслан Ч.Батчулуун

2.      Говь-Алтай аймгийн Тонхил сумын харьяат Хилчитн спорт хороо, ХЦ-0311-р анги, Хантайшир дэвжээний бөх аймгийн арслан Б.Суманчулуун

3.      Архангай аймгийн Тариат сумын харьяат Алдар спорт хороо, Бөхбилэгт дэвжээ, Хера холдинг ХХК-ний бөх аймгийн арслан Найдангийн Адъяабат 

4.      Завхан аймгийн Алдархаан сумын харьяат Алдар спорт хороо ЗХ-ний 325-р анги, Засагт ханы Завхан дэвжээ, Тэргүүн саруул зам ХХК-ний бөх аймгийн арслан Лхагваагийн Лха-Очир

5.      Завхан аймгийн Алдархаан сумын харьяат Алдар спорт хороо ЗХ-ний 017-р анги, Засагт ханы Завхан дэвжээ, Сандэй группийн бөх цэргийн арслан Базаргүрийн Бадамсүрэннар Монгол улсын начин хэмээх эрхэм цолонд хүртэж наадамчин олноо баясгалаа.

Улсын харцага цолтон

1.       Харин Ховд аймгийн Чандмань сумын харьяат Аврагч спорт хороо, Ховд дэвжээ, Нью прогресс группийн бөх улсын начин Баатархүүгийн Пүрэвсайхан Монголын улсын харцага цолонд хүрч барилдан цолоо ахиулж наадамчин олон, нутаг усны түмнээ баясгалаа.

Улсын гарьд цолтон

1.      Завхан аймгийн Шинэ-Идэр сумын харьяат Хилчин дэвжээний бөх Ш.Жаргалсайхан

Улсын арслан цолтон

1.      Увс аймгийн Ховд сумын харьяат Увснуур дэвжээний бөх улсын харцага Н.Батсуурь

 

Санал болгох

Сэтгэгдэл

АНХААРУУЛГА: Уншигчдын бичсэн сэтгэгдэлд www.ENE.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Сэтгэгдэлтэй холбоотой санал гомдлыг 9318-5050 утсаар хүлээн авна.
>