Навсархай хувцастай явахаар арчаагүй гэчихээд
Яагаад
Навсархай хувцастай явахаар арчаагүй гэчихээд
Тасархай хувцаслаад алхахаар явдалтай гэдэг юм
Намба зааж тохируулаад явахаар хэвийн гэчихээд
Нас тогтсон хүн шиг хуучинсаг гэдэг юм
Яагаад
Даруу царайлаад явахаар домбой гэчихээд
Даваад жаахан ярьчихаар аальгүй болчихдог юм
Үгээ цөөлөөд ирэхээр ярвагар гэчихээд
Үнэнг хэлэхийн цагт хэл амтайг нь гайхдаг юм
Бусдад таалуулах гэж бус
Буруу ч гэсэн өөртөө сэтгэл хангалуун бай гэж
Бурхан цаг сэтгэл хоёроо зориулж биеийг минь бүтээж байхад
Бусдын шаардлагын дагуу амьдрахыг би хүсэхгүй. . .
Б.Бядаа
