Дэлхийн хамгийн урт шилэн гүүрний нээлт Хятадад боллоо
"Цагирагласан луу" хэмээх нэртэй дэлхийн хамгийн урт шилэн гүүр Хятадын Хунань мужийн Зан Жиа Жей үндэсний цэцэрлэгт хүрээлэнд нээгджээ. Энэхүү гүүр нь 300 метрийн гүнтэй уулын хөндийн дээгүүр, газраас 450 метрийн өндөрт тавигдсан байна.
Шилэн гүүрнээс Тианмен уул болон Хунань арал тэр чигтээ харагдах бөгөөд аль хэдийнэ хэдэн сая жуулчид цуглуулаад байгаа ажээ.
Тус гүүрний бат бөх, аюулгүй байдлыг шалгаж олон туршилт явуулсан байна. Цууралт өгсөн шилэн дээгүүр том оврын суудлын тэрэг явуулахад цууралт нь нэмэгдээгүй, өөрчлөлт өгөөгүй аж. Түүнчлэн олон лантуугаар ээлжлэн цохиход ямар ч гэмтэл хагарал үүсээгүй гэнэ.
