Обама ард түмэндээ хандаж сүүлчийн илтгэлээ тавьж байна

159

Обама ард түмэндээ хандаж сүүлчийн илтгэлээ тавьж байна

 

АНУ-ын төрийн тэргүүн Барак Обама бүрэн эрхийнхээ хугацааныхаа сүүлийн өдрүүдийг үдэж, ард түмэндээ хандаж илтгэл тавьж байна. Тэрбээр Чикаго мужид очин илтгэл тавьж буй бөгөөд дэлхийн томоохон хэвлэлүүд шууд дамжуулж байгаа аж.

Барак Обама энэ үеэр Ерөнхийлөгчийн арын албанд ажилласан албан хаагчдад талархал дэвшүүлж, эхнэр Мишель Обамад энэ хугацаанд үргэлж дэргэд нь байсанд баярласнаа илэрхийлжээ.

Анх удаа АНУ-ын төрийг удирдаж буй өнгөт арьст Ерөнхийлөгч болсон Барак Обама өдгөө 55 настай бөгөөд хоёр удаа сонгогдсон юм.

Обама орыг нь залгаж буй Доналд Трампт баяр хүргэж, төрийн дээд сэнтийг нэр төртэй хашихыг хүссэн байна. Барак Обама илтгэлийн үеэр "Бидний баг хамт олон өнгөрсөн найман жилийн хугацаанд АНУ-ыг илүү хүчирхэг болгох бүхий л талын түвшинд хангалттай ажилласан. Цаашид Нэгдсэн улсын төрийн хүчирхэг байдал олон жил оршин тогтнох болно” гэжээ.

Энэ сарын 20-нд шинээр сонгогдсон Ерөнхийлөгч Доналд Трамп тангараг өргөснөөр АНУ-ын 44 дэх төрийн тэргүүн Барак Обамагийн бүрэн эрх дуусна.

Т.Бат

Санал болгох

Сэтгэгдэл

АНХААРУУЛГА: Уншигчдын бичсэн сэтгэгдэлд www.ENE.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Сэтгэгдэлтэй холбоотой санал гомдлыг 9318-5050 утсаар хүлээн авна.