4Minute тоглолтын үеэр 16 хүн амь үрэгджээ
Өмнөд Солонгос улсын Сөүл хотын өмнөд хэсэгт байрлах Сеоннам дүүрэгт
болсон нэгэн поп тоглолтын үеэр осол гарч, 16 хүн амиа алдан, 11 хүн
гэмтэж бэртсэн байна. Агааржуулалтын төмөр тор нурж, тэр хэсэгт зогсож
байсан хөгжим сонирхогч залуус газар дорх 10 метрийн гүн рүү унажээ.
Осол гарах үед цугласан олон Солонгосын алдартай 4Mimute болон бусад
хамтлагуудын тоглолтыг үзэж байсан юм. Харин хохирогчдын хувьд шоуг илүү
тав тухтай, боломжийн байрлалаас үзэхийн тулд тэрхүү сараалжин дээр
авирсан байжээ. Аврах багийн ажилтнууд амиа алдагсдын тоо нэмэгдэж
болзошгүй байгааг анхааруулсан байна.
Өмнөд Солонгосын Еонхап агентлагт, "Ослын газарт 12 хүн, харин эмнэлэгт хүргэгдсэний дараа дахин хоёр хүн амиа алдсан. Бусад хохирогчдод эмнэлгийн тусламж үзүүлж байгаа” гэж аврах багийн нэгэн ажилтан мэдээлжээ.
Технологийн пүүсүүдэд зориулсан олон талын зориулалт бүхий цогцолбор Пангео Техно Уоллид зохион байгуулах фестивалиудын хүрээнд зохион байгуулсан уг арга хэмжээнд нийт 700 орчим хүн оролцсон байна.
