|
Видео

Шинэ мэдээ

ШАТАХУУНЫ ҮНИЙГ НЭМЖ МАГАДГҮЙ

Түлш, шатахууны үнийг хоёр шатлалтайгаар нэмэхээр Засгийн газар хэлэлцэж байна хэмээн "Ведомости” сонин бичжээ. Сонинд бичсэнээр ирэх нэгдүгээр сарын 1-нээс литр бензиний үнэ 50 копейкээр, 2018 оны долдугаар сарын 1-нээс дахин 50 копейкээр нэмэгдэх ажээ.

Хэдийгээр нэмэх эцсийн шийд гараагүй, Засгийн газар ид хэлэлцэж байгаа ч "нэмэх нь тодорхой” хэмээн мэдээлэл өгсөн эх сурвалж баталжээ.

Шатахууны үнийг нэмэх саналыг Тээврийн яам гаргасан бөгөөд хоёр том бүтээн байгуулалтад хөрөнгө хэрэгтэй байгаагаас ийм санал гаргажээ. Эхнийх нь, Калининград мужид баригдах "Приморское кольцо”, хоёр дахь Крымд баригдах "Таврида” хэмээх замуудын бүтээн байгуулалтад хөрөнгө хэрэгтэй байгаа юм.

Гэхдээ ингэж 50 копейкээр нэмэх нь хууль зөрчиж байгаа хэрэг юм. Татварын хуульд зааснаар инфляцийн өсөлтийг харгалзан шатахууны үнийг дөрвөн хувиас илүү нэмэх ёсгүй. Одоогийн байдлаар энэ дөрвөн хувь гэдэг нь шатахууны хувьд ойролцоогоор нэг литрт 30 копейк, дизель түлшинд 23 копейкээр нэмэгдэх тооцоотой.

Эх сурвалж: РИА НОВОСТИ

Сэтгэгдэл

АНХААРУУЛГА: Уншигчдын бичсэн сэтгэгдэлд www.ENE.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Сэтгэгдэлтэй холбоотой санал гомдлыг 9318-5050 утсаар хүлээн авна.