Х.Баттулга: Утаатай тэмцэх нэрийдлээр бизнес хийдэг бүлэглэлүүд 147 тэрбум төгрөгийг завшсан

468

Х.Баттулга: Утаатай тэмцэх нэрийдлээр бизнес хийдэг бүлэглэлүүд 147 тэрбум төгрөгийг завшсан

 

Монгол Улсын Ерөнхийлөгч Х.Баттулга агаарын бохирдолтой "Онц байдал” зарлан тэмцэх асуудлаар өнөөдөр УИХ-ын дарга М.Энхболдод санал хүргүүлэх тухай албан бичиг илгээсэн. Энэ талаар мэдээлэл хийлээ. Тэрээр "Өнөөдөр онцгойлж анхаарах зүйл бол утаа. Үүнийг жил болгон ярьдаг. Ярихаас илүүтэй хийх хэрэгтэй байна. Хотын нүүлгэнэ шилжүүлж дагуу хот бий болгох хэрэгтэй. Утаатай холбоотой зовлон дээр бизнес хийдэг бүлэглэлүүд гарсан. Тэд 147 тэрбум төгрөгийг утаатай тэмцэх нэрийдлээр завшсан байгаа. Өнгөрсөн 10 сард агаарын бохирдлыг бууруулах үндсэн чуулган хийсэн. Гэтэл энэ чуулганд хэнч  очоогүй. Өнгөрсөн жилийн нэгдүгээр сард Үндэсний аюулгүй байдал хуралдаад утаа холбоотой ажлыг төлөвлөгөө гаргаж, нийслэлийн Засаг дарга болон бусад яамнуудад төлөвлөгөө гаргасан. Энэ төлөвлөгөөнөөс харахад 6300 айлыг гэрэл цахилгаантай болсон мэдээлэл байна. Иймээс Онц байдал зарлах санал УИХ-ын дарга М.Энхболд хүргүүлсэн” гэв.

Ингээд сэтгүүлчдийн асуусан асуултад хариулт өглөө 

-Өнгөрсөн амралтын өдөр дүүргүүдийн нэгдсэн эмнэлгийн үйл ажиллагаатай танилцсан. Нөхцөл байдал ямар байна вэ?

-Дүүргийн эмнэлгийн үйл ажиллагаатай танилцсан. Ачаалал маш их байна.Төрийн эмнэлгүүд, дүүргийн эмнэлгийг бодвол ачаалал багатай байна. Иймээс хүүхдийн эмнэлгийн орны асуудлыг шийдэх хэрэгтэй.

-Хурцын томилгооны талаар ямар байр суурьтай байна вэ?

-Сая хаалттай чуулганаар гурван сая монголчуудын ирээдүй бүрхэг байгаа тухай асуудлыг хэлэлцэхгүй гурван элчин сайдыг асуудлыг ярьж байна. Гамшиг болж байгаа асуудал дээр анхаарч ажиллах хэрэгтэй байна. Өнөөдөр Солонгосын хойгийн тухай дэлхий даяар яригдаж байгаа. Өмнөд Солонгос улсад манай 40 мянга гаруй иргэд хар цагаанаар ажиллаж амьдардаг. Иймээс иргэд болон дипломат албыг нь бодоод цэргийн цолтой тушаал биелүүлдэг хүн тавигдах ёстой юм болов уу гэдэг үүднээс зөвшилцөөд оруулсан. Хари нэнэ үеэр олон асуудал яригдсан. Иймээс энэ асуудлыг эргэж харах үүднээс хойшлуулсан байгаа.

-Онц байдал зарлаад ямар шийдэлд хүрэх вэ.Танд дэвшүүлж байгаа ямар санал байна вэ?

-Миний дэвшүүлж байгаа санал маш тодорхой. Дагуул хот байгуулах тухай.Олон улсад дагуул хот байгуулсан олон жишээ байдаг. Яг ийм жишгээр дагуул хот байгуулах асуудлыг хавраас эхлүүлье. Нэн яаралтай 2018 онд ашиглалтад орох орон сууцыг төрийн албан хаагчдад цалингаар нь барьцаалаад орон сууцыг нь өгье. Бидшоухийхгүйгээр тодорхой шийдлүүд гаргаж байна.Энэ хавраас дагуул хотуудыг эхлүүлэх хэрэгтэй.

 

Монгол Улсын Ерөнхийлөгч Х.Баттулга агаарын бохирдолтой "Онц байдал” зарлан тэмцэх асуудлаар өнөөдөр УИХ-ын дарга М.Энхболдод санал хүргүүлэх тухай албан бичиг. Уг албан бичигт: "Монгол Улсын Үндэсний аюулгүй байдлын зөвлөл 2017 оны 1 дүгээр сарын 10-ны өдөр өргөтгөсөн байдлаар хуралдаж "Нийслэлийн агаар, орчны бохирдлын тухай” 03/03 дугаар зөвлөмжийг гаргасан байх бөгөөд Монгол Улсын Их Хуралд "Агаар, ус, хөрсний бохирдол гамшгийн түвшинд хүрсэн гэж үзэж онцгой байдлын горимоор ажиллах, гамшгийн бүс тогтоож хориглох зүйлсийг гаргах, нүүлгэн шилжүүлэх, нөхөн сэргээх, дахин төлөвлөх үйл ажиллагааны эрх зүйн орчныг сайжруулах, холбогдох хууль тогтоомжид нэмэлт өөрчлөлт оруулах, төрийн захиргааны байгууллагууд, их дээд сургуулиуд, тэдгээрийг дагасан дэд бүтцийн байгууламжуудыг нүүлгэн шилжүүлэх, хууль тогтоомжийг хэрэгжүүлэх талаар төрийн байгууллага, албан тушаалтан, аж ахуйн нэгж, байгууллага, иргэний хүлээх үүрэг, хариуцлагын тогтолцоог бий болгох, иргэд, байгууллагын оролцоо, хамтын ажиллагаа, олон нийтийн хяналтыг хангах" зэрэг асуудлуудын хүрээнд эрх зүйн орчин бүрдүүлэхийг зөвлөжээ.

Харин Засгийн газарт дээр дурдсан асуудлуудын хүрээнд 2017 оны 2 дугаар сарын 20-ны өдрийн дотор хууль, шийдвэр, хөтөлбөрийн төсөл боловсруулж Улсын Их Хуралд өргөн барих, агаар, орчны бохирдлыг бууруулах үндэсний хөтөлбөрийг боловсруулахдаа түүний заалт бүрийг хариуцан хэрэгжүүлэх байгууллага, албан тушаалтан, хугацаа, санхүүжилтийн эх үүсвэрийг нэг бүрчлэн нарийн заасан төлөвлөгөөний хамт боловсруулах зэрэг ажлууд хийхийг зөвлөсөн байна.Хүн амын тавь орчим хувь нь амьдарч, эрүүл аюулгүй орчинд амьдрах, орчны бохирдол, байгалийн тэнцэл алдагдахаас хамгаалуулах үндсэн эрхээ эдэлж чадахгүй хордож, хохирч байгаа нийслэлийн агаарын бохирдлын асуудлыг Үндэсний аюулгүй байдлын хэмжээнд авч үзсэн нь сайн хэрэг боловч төрийн бодлого хэрхэн хэрэгжиж байгаад онцгой анхаарч шийдвэртэй арга хэмжээ авах зүй ёсны шаардлага тулгарч байна. 

Өнгөрсөн долоо хоногийн агаарын чанарын хяналт шинжилгээний дүнгээр агаарын чанар Улаанбаатар хотын хэмжээнд ихэнх өдрүүдэд "Дунд” болон "Их”, бохирдолтой, гэр хороолол орчим "Маш их” бохирдолтой түвшинд хүрч 2016 оны мөн үетэй харьцуулахад агаар дахь РМ10, РМ2.5 тоосонцорын агууламж 16-27 хувь их, 24 цагийн дундаж агууламжийн хамгийн их нь агаарын чанарын стандартаас 7-13 дахин их байна гэсэн дүн мэдээ надад ирж байгаа бөгөөд Багануур, Багахангай гэсэн хоёр дүүргээс бусад дүүрэгт агаарын бохирдол нэмэгдэж нэн аюултай хэмжээнд хүрч байна.Агаарын бохирдолтой тэмцэх тусам, хөрөнгө мөнгө зарцуулах тусам бохирдол улам нэмэгдээд байдгийн шалтгаан юунд байгааг төрийн өндөр албан тушаалтнуудаас эхлээд бодлого боловсруулдаг, хэрэгжүүлдэг, хянадаг бүхий л төрийн албан тушаалтнууд анхаарч авч үзэх ёстой. Агаарын бохирдлын асуудлыг Үндэсний аюулгүй байдлын хэмжээнд авч үзсэнээс хойших нэг жилийн хугацаанд зөвлөмжид заасан бодлогын чанартай ажлууд огт хэрэгжээгүй байна. Тухайлбал төрийн захиргааны байгууллагууд, төмөр зам, их дээд сургуулиуд, тэдгээрийг дагасан дэд бүтцийн байгууламжуудыг нүүлгэн шилжүүлэх эрх зүйн орчин бүрдсэнгүй, Улсын Их Хурлын чуулган бүрийн хэлэлцэх асуудлын төлөвлөгөөнд агаарын бохирдлын асуудлыг тусган хэлэлцэх нь ч биелсэнгүй.

Ийм байдлаар агаарын бохирдолтой тэмцэж, утаагүй зуух, түлш мэтийн аар саархан асуудлаар ажил хийсэн нэр зүүж, зууралдсаар байх нь үр дүнгүй гэдгийг бид бүхэн бүрэн мэдэрлээ. Иргэд, олон нийтийн зүгээс ч шүүмжлэлтэй хандаж, "Онц байдал” зарлан агаарын бохирдлын асуудалтай шийдвэртэй тэмцэхийг шаардаж байна. Монгол Улсын Үндсэн хуулийн Хорин тавдугаар зүйлийн 2 дахь хэсгийн 1-т "улсын нийт нутаг дэвсгэрт буюу зарим хэсэгт нь оршин суугаа хүн амын амь нас, эрүүл мэнд, аж амьдрал, нийтийн аюулгүй байдалд шууд аюул учруулсан буюу учруулахуйц байгалийн гамшиг, гэнэтийн бусад аюул тохиолдсон” зэрэг нөхцөлд Улсын Их Хурал "Онц байдал” зарлана гэж заасан.

Тиймээс ард иргэдээ сонсож, тэмцэх тусам хөрөнгө мөнгө зарцуулах тусам нэмэгдээд байдаг агаарын бохирдлын асуудалтай нийтээр нэгдсэн зорилготойгоор тэмцэхийн тулд "Онц байдал” зарлан, төр, иргэн, аж ахуйн нэгж, байгууллага бүрийн оролцоог тодорхойлж, үүрэг, хариуцлагыг нь нэмэгдүүлэн шийдвэртэй алхам хийхэд болохгүй зүйлгүй юм. Үүний хүрээнд Үндэсний аюулгүй байдлын зөвлөмжид заасны дагуу "Багануур, Багахангай” гэсэн хоёр дүүргээс бусад дүүргийг гамшгийн бүсээр тогтоож зохих арга хэмжээг авч хэрэгжүүлэх нь зүйтэй гэж үзэж байна. Иймд агаарын бохирдолтой "Онц байдал” зарлан тэмцэх асуудлыг Улсын Их Хурлын бүрэн эрхийн хүрээнд судалж, шийдвэрлэхийг хүсье. Монгол Улсын Ерөнхийлөгч Халтмаагийн Баттулга” гэсэн байна.

 

 

 

 

Санал болгох

Сэтгэгдэл

АНХААРУУЛГА: Уншигчдын бичсэн сэтгэгдэлд www.ENE.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Сэтгэгдэлтэй холбоотой санал гомдлыг 9318-5050 утсаар хүлээн авна.