Европт ажилгүйдэл буурчээ

212

Европт ажилгүйдэл буурчээ

 

Евро бүсэд ажилгүйдлийн төвшин буурч, шинжээчдийн таамаглаж байсанчлан 8.7 хувьд хүрсэн байна. Энэхүү үзүүлэлт өмнөх сард 8.8 хувьтай байжээ. Европт ажилгүйдэл буурч байгаа нь хөдөлмөрийн зах зээл сайжирч, бизнесийн итгэл өсч байгаатай холбоотой. Испанид ажилгүйдлийн төвшин сүүлийн есөн жилийн доод төвшинд хүрсэн бол Германд энэ үзүүлэлт түүхэн доод хувьд байгаа юм. Харин Грект ажилгүйдлийн төвшин хамгийн өндөр буюу 20 хувьтай байна. Хэдийгээр Европт хөдөлмөрийн зах зээл эерэг дүр зурагтай байгаа ч инфляцын төвшин эдийн засгийн томоохон сорилт болсон хэвээр байна. Бүсийн хэмжээнд инфляцын төвшин өнгөрсөн сард 1.4 хувьтай байгаа нь Европын Төвбанкны хоёр хувийн зорилтот төвшнээс доогуур дүн болж байгаа юм.

Б.Саруул

Санал болгох

Сэтгэгдэл

АНХААРУУЛГА: Уншигчдын бичсэн сэтгэгдэлд www.ENE.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Сэтгэгдэлтэй холбоотой санал гомдлыг 9318-5050 утсаар хүлээн авна.