Бритни Спирс балетчин болов
Дуучин Бритни Спирс фитнес хийхээ хэзээ ч мартдаггүй. Тэрээр биеийн тамирын танхимд хийсэн уйгагүй дасгал сургуулилтынхаа ачаар биеийн галбираа урьдын сайхан хэвэнд оруулж шүтэн бишрэгчдээ гайхшруулсан билээ. Мөн Бритни бүсгүй хоолны дэглэмийг чандлан барьдаг юм. Өөрийн бичил блог дээр Спирс бүсгүй гэртээ хийж буй дасгалуудынхаа бичлэгүүдийг тавьж гуалиг биеэрээ гайхуулдаг нэгэн. Гэхдээ энэ бүхэн түүнд хангалттай санагдаагүй учраас Бритни балетаар хичээллэхээр шийджээ. Инстаграм дахь өөрийн хуудсан дээр Бритни Спирс балетаар хичээллэж буй дүрс бичлэгээ байршуулжээ.
Өдгөө дуучин бүсгүй 24 настай бүжигчин Сэм Аскаритай үерхэж байгаа билээ. Тэдний харилцаа нэлээн гүнзгийрсэн тул хуримаа хийх бололтой.
