Гадаадаас авах ажиллах хүчний тоог 25 хувиар бууруулна

187

Гадаадаас авах ажиллах хүчний тоог 25 хувиар бууруулна

 

Ажилгүйдлийн түвшин нь 9 хувьтай манай улс өнгөрсөн 2017 онд 91 орны 17300 гадаад иргэнийг ажиллах хүчээр авсан байдаг. Харин хөдөлмөр эрхлэх насны иргэд нь харь орны хар ажлыг нугалахаар хэдэн мянгаараа дугаарладаг.

Тэгвэл гаднаас авах ажилчдын тоог энэ жил 25 хувиар бууруулж, 12 мянгаас хэтрүүлэхгүй барихаар тогтжээ. Түүнчлэн, Засгийн газар 2020 гэхэд гадаадын ажиллах хүчний тоо, хэмжээг 50 хувь хүртэл бууруулахыг зорьж байгаа юм.

Гадаадаас авах ажиллах хүч, мэргэжилтний тоо хавсралтаар баталсан хувиас илүү гарсан нөхцөлд 100 хүртэлх гадаадын ажиллах хүч, мэргэжилтэн авах бол салбарын сайд, 100-гаас дээш бол Засгийн газар шийдвэрлэж байх юм.

Манай улсад ажиллахаар ирэх гадны иргэдийн дийлэнх нь барилга, зам барих ажил эрхэлдэг. Харин монгол залуус гадаад оронд энэ л ажлыг горилдог. Эх оронд нь байгаа ажлын байрыг хариас хайдгийн шалтгаан нь цалин хангамжтай холбоотой. Тэгвэл ажилгүйдлийг шийдвэрлэхээр ХНХЯ-наас гурван зорилт дэвшүүлжээ.

Хөдөлмөр эрхлэлтийг дэмжих чиглэлд энэ жил 25.9 тэрбум төгрөг зарцуулан ажилгүй иргэдэд дэмжлэг үзүүлнэ. Тухайлбал, туслах малчнаар гэр бүлээр нь ажиллуулан, нийгмийн даатгалыг нь төлж, орон нутагт нүүх зардлыг нь хариуцах юм. Энэ зорилтыг орон нутгийн удирдлагууд дэмжин хүлээн авч байна.

Ажилгүйдэл өндөр хувьтай байгаагийн шалтгаан нь үйлдвэжилт муу, томоохон төслүүд хөдөлгөөнд орохгүй байгаатай холбон тайлбарлаж байна. Түүнчлэн сул зарлагдсан ажлын орон тоонд тавигдах шаардлагыг биелүүлэх иргэд цөөн. Өөрөөр хэлбэл, дээд боловсролтнуудаас илүү мэргэшсэн ажилын байр элбэг байдгийг энд мөн онцолсон юм. 

Санал болгох

Сэтгэгдэл

АНХААРУУЛГА: Уншигчдын бичсэн сэтгэгдэлд www.ENE.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Сэтгэгдэлтэй холбоотой санал гомдлыг 9318-5050 утсаар хүлээн авна.