О.Гүндэгмаагийн алтан медалийг хураажээ

40
О.Гүндэгмаагийн алтан медалийг хураажээДэлхийн цэргийн спортын холбооны буудлагын дэлхийн аварга шалгаруулах тэмцээн өнгөрсөн сарын 29-нөөс энэ сарын 6-ны хооронд Швейцарь улсын Тун хотод боллоо. 50 дахь удаагийн тус тэмцээнд 48 орны мэргэн бууч цэц мэргэнээ сорьсон юм. Тэмцээний эмэгтэйчүүдийн 25 метрийн гар бууны дасгалд өрсөлдсөн Хөдөлмөрийн баатар, гавьяат тамирчин О.Гүндэгмаа аваргын алтан медаль хүртсэн. Гэвч түүний медалийг зохион байгуулагчид нь хураажээ. Учир нь, түүнийг хүзүүндээ лент нааж оролцсон нь тэмцээний дүрмийг зөрчсөн гэж үзэхэд хүрсэн байна. Лентний шалгалтыг тэмцээн дууссаны дараа хийдэг бөгөөд энэхүү дүрмийг 10 жилийн өмнөөс мөрдөж эхэлжээ. Тиймээс зохион байгуулагчид дүрмээ барьсан хэмээн мэргэжилтнүүд хэлж байна. Армийн дэлхийн аварга шалгаруулах тэмцээнд тамирчид, Батлан хамгаалах яамаараа дамжуулан оролцдог. Швейцарьт болсон дэлхийн аваргад манай улсын эмэгтэй баг спорт гар бууны дасгалд хүрэл медаль хүртсэн бөгөөд багийн бүрэлдэхүүнд О.Гүндэгмаа, Т.Баярмаа, Г.Хэрлэнцэцэг нар багтсан юм.
 
Б.Сийлэн
Эх сурвалж: "Монголын үнэн" сонин

Санал болгох

Сэтгэгдэл

АНХААРУУЛГА: Уншигчдын бичсэн сэтгэгдэлд www.ENE.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Сэтгэгдэлтэй холбоотой санал гомдлыг 9318-5050 утсаар хүлээн авна.