Оюутолгой компанид хүнсний бүтээгдэхүүн нийлүүлэх хүсэлтэй байна гэв

51
9b3d52ca63ce968ab966df4a945cf544.jpg

"Монголоо сонсъё” үндэсний аян Өмнөговь аймгийн Ханбогд суманд амжилттай зохион байгуулагдлаа. Аяны хүрээнд иргэдтэй уулзаж, санал хүсэлтийг нь сонсохын зэрэгцээ Ардчилсан намын шинэчилэлийн бодлого, үндсэн дүрэм, үзэл баримтлалын шинэчилсэн төсөл зэрэг цаг үеийн асуудлаар мэдээлэл өгч, ярилцжээ. Уулзалтын үеэр иргэд олон асуудлын талаар санал, хүсэлтээ илэрхийлсэн байна.Тухайлбал, уул уурхайгаас шалтгаалж иргэдийн эрүүл, аюулгүй амьдрах эрх нь зөрчигдөж байгааг хэлж байв. Түүнчлэн Оюутолгой компанийн  ажилчдын хэрэгцээнд шаардагдах мах, махан бүтээгдэхүүн, сүү цагаан идээг нийлүүлэх чиглэлд нутгийн иргэдийг дэмжих, хот төлөвлөлтийг анхаарах шаардлагатай байгааг энэ үеэр хэлсэн байна. Тухайлбал,Эрдэнэт хот шиг томоохон суурьшлын бүс нутаг болох боломжийг бүрдүүлэх чиглэлданхаарч ажиллах боломжтой гэв. Мөн уул уурхайн компаниудын эрх ашигт  нийцүүлсэн Засгийн газрын тогтоол, Усны тухай хуульд яаралтай өөрчлөлт оруулах шаардлага тулгараад байгааг иргэд хэлж байна. Үүнээс гадна Оюутолгой компани орон нутгийн иргэдийг огт сонсохгүй байгаад гомдолтой байгаа төдийгүй ойрын хугацаанд уулзалт зохион байгуулж, тэдний саналыг сонсох шаардлагатай гэв. Уулзалтын дараа азтан тодруулж, урлагийн тоглолт зохион байгуулжээ. Мөн нарийн мэргэжлийн эмч нар тус сумын иргэдэд үнэ төлбөргүй эрүүл мэндийн үйлчилгээ үзүүлж, зөвлөгөө өгсөн аж. Өмнөговь аймгийн Ханбогд суманд хоёр өдрийн турш үргэлжилсэн "Монголоо сонсъё” аянд давхардсан тоогоор 1000 орчим иргэн хамрагджээ.

Санал болгох

Сэтгэгдэл

АНХААРУУЛГА: Уншигчдын бичсэн сэтгэгдэлд www.ENE.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Сэтгэгдэлтэй холбоотой санал гомдлыг 9318-5050 утсаар хүлээн авна.