“АНГУУЧ” ҮНЭНДЭЭ “АЛИАЛАГЧ” УУ ?
Нийгмийн сүлжээнд "од” болоход амархан. Ердөө л хүмүүсийн анхаарлыг өөртөө татах. Гэхдээ арга зам, хэлбэр нь өөр өөр. Зарим нь элийрч балайрснаараа нийгэмд хамгийн үзэн ядагдсан олны танил болдог бол нөгөө хэсэг нь нүцгэн зургаа дэлгэж өөрийгөө "сайхан” гэж өргөмжлөөд л "нэр”-ийг олох. Өөрийгөө "Монголын хамгийн сайхан залуу” гэж өргөмжилсөн "Ангууч” хочит Батбаатарын Баттөр "од” болохын хүслэн болсон залуусын нэг гэхэд хилсдэхгүй.
Түүнийг Осоржамаагийн адилаар монголд танихгүй хүн байхгүй болов уу. "Сайн уу амьдрал минь 2” кинонд дүрээ мөнхлөсөн ч Уул уурхайн сайд асан Д.Ганхуягийн охиныг баячуудын хүүхдүүдтэй нийлж хар тамхи хэрэглэн, хүчирхийлсэн хэрэгт нэр, зураг нь холбогдсон л явсан. Энэ хэрэг өнөөдөр хэрхэн шийдвэрлэгдсэн нь тодорхойгүй. Чөлөөт цагаа спорт зааланд өнгөрүүлж, томоохон компаниудын рекламны нүүр царай болдог "Ангууч”-ыг баячуудын хүүхдүүдтэй нийлж "алиалагч” болж явдаг гэж сүүлд хүмүүс ярих юм билээ.
Санхүү эдийн засгийн дээд сургуулийг төгссөн тэрээр гадагшаа сурах бодолтой байдаг гэсэн шүү. Тэр саяхан болсон олон улсын хөгжмийн наадам XMF дээр найз бүсгүйтэйгээ байсан нь камерын дуранд өртөөд амжжээ.
