Шорлогны мах амталж дарах 10 арга

82

 

Шорлогны мах амталж дарах 10 аргаУрин дулаан цаг айлчлан ирснийг тохиолдуулан амралт зугаалгандаа гарах гэж байгаа хүмүүс анхаарлаа нааж хандуулаарай. Амттай хоол, сайхан байгаль хоёрын нэгдэл гайхалтай амралт болох нь маргаангүй шүү дээ. Тэгвэл ил гал дээр шарсан амтат сайхан шорлогийг хэрхэн хийх, хэрхэн амтлах талаар та бүхэнд хүргэе.

1. Энгийн шорлог

Хамгийн энгийн шорлогны мах амтлах арга нь бүх төрлийн маханд тохиромжтой байдаг. Махаа ижил хэмжээтэйгээр хэрчээд, давс, перцээр амтлаад цагариг хэлбэртэй хэрчсэн сонгино нэмнэ. Усанд бага зэрэг уксус, элсэн чихэр найруулаад махаа базаж хонуулах хэрэгтэй. Гэвч хэрвээ та өөр төрлийн амт мэдрэхийг хүсэж байгаа бол доорх аргуудыг хэрэглээд үзээрэй. 
2. Дарсанд дарах
Дарсаар амталж даршлах арга нь гахайн маханд илүү тохиромжтой байдаг. Учир нь үхрийн мах ийм даршинд хангалттай зөөлөрдөггүй. Махаа хэрчиж, нунтаг кориандр, перц, давс цацаж, сайтар холино. Үүний дараа бага зэрэг дарс хийгээд хонуулах хэрэгтэй.
3. Кавказ маягаар дарах
Хэрэв шорлог хийхээр сонгож авсан мах тань шинэ, сайхан бол болох нь тэр. Кавказад шорлог хийхдээ шинэхэн гахайн махыг "хийжүүлсэн эрдэст ус"-нд 2-3 цагийн турш сойдог байна. Дараа нь давс, перцээр амтлаад шарах хэрэгтэй.
4. Кивинд дарах
Киви махыг маш сайн зөөлрүүлдэг. Тиймээс хонь, үхрийн маханд илүү тохиромжтой. Сонгиноо сайтар жижиглэж, харин кивиг жижгэвтэр шоо дөрвөлжин маягаар хэрчинэ. Махаа шарахад тохируулж томоохон хэрчим болгоод амтлагч, сонгино, киви хольж, бага зэрэг давс цацаад, эрдэст ус нэмээрэй. Ингэж дарсан мах хурдан амт орж, зөөлөрдөг.
5. Ткемали
Сонгиныг цагариг хэлбэртэй, махаа томхон, улаан лоолийг өргөн цагариг хэлбэртэй хэрчинэ. Нимбэгийн шүүс шахаж бэлд. Нохойн хошуу болон перцийг холиод махаа давсалж, бэлдсэн амтлагчууд, ткемали, нимбэгийн шүүсээ холино. Ингээд махаа дээр дээрээс нь давхарлангаа сонгино, улаан лооль, ногоогоо завсар нь хийж өгөөд 3 цаг гаруй битүү таглаж байлгаарай.
6. Цагаан гаа, буурцагны сүмсэнд дарах
Энэ даршлах арга үхрийн маханд илүү тохирно. Цагаан гаагаа үрж, махаа томхон хэрчинэ. Махаа цагаан гаа, улаан перецээр амтлаад буурцагны цуу нэмж хутгаад 2- 3 цаг байлгаарай.
7. Гичэнд дарах
Гахайн мах болон гич-майонезын сүмс хоорондоо маш гоё зохицдог. Махаа хэрчээд давс, перец, зөрөг цэцэг /хмели/, майонез, гичээр амтална. Дараа нь мах, сонгино гэх дарааллаар тавиад дээр нь нимбэгийн шүүс асгаж, дулаахан газар хэсэг байлгасны дараа хөргөгчинд 5-7 цаг байлгана.
8. Улаан лоолийн шүүсэнд дарах
Махаа хэрчээд давс, перецээр амтална. Бага зэрэг ургамлын тос, дарс, "Worcestershire” сүмс нэмнэ. Дараа нь улаан лоолийн шүүсээ хийгээд 3-4 цаг дарна.
9. Цайнд дарах
Хэрчсэн махаа давс, амтлагчаар амтлаад хөргөсөн цай ахиухан хийж өгнө. Махаа далд ортол 8-12 цаг орчим хөргөгчид байлгаарай.
10. Анар, цагаан гаанд дарах
Махаа томхон хэрчинэ. Цагаан гааг давстай цуг сайтар хольж махан дээгүүрээ цацаж өгөөрэй. Улаан лоолио хэрчин махаа хучаад, дээрээс нь анарын шүүс хийн 3-4 цаг дарах хэрэгтэй. Та бүхэн амттай сайхан шорлогоо ил гал дээр шарж идэн хайртай дотны хүмүүстэйгээ амралтаа сайхан өнгөрөөгөөрэй. 


Санал болгох

Сэтгэгдэл

АНХААРУУЛГА: Уншигчдын бичсэн сэтгэгдэлд www.ENE.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Сэтгэгдэлтэй холбоотой санал гомдлыг 9318-5050 утсаар хүлээн авна.