Эрүүл мэндийн сайд Д.Сарангэрэл Токио хотноо зохион байгуулагдаж буй Нянгийн тэсвэржилт-Нэг эрүүл мэнд Олон улсын бага хуралд оролцох үеэр Япон Улсын Эрүүл мэнд, хөдөлмөр, нийгмийн хамгааллын Дэд сайд Ясухиро Сузуки-тай уулзлаа.
 Уулзалтын эхэнд Сайд Д.Сарангэрэл хоёр улсын эрүүл мэндийн салбар дахь харилцаа, хамтын ажиллагаа 1990-ээд оноос хойш өрнөж, энэ хугацаанд олон төсөл хөтөлбөрийг үе шаттайгаар хэрэгжүүлж ирснийг онцлоод Япон Улсаас үзүүлж буй тусламж дэмжлэг, техникийн хамтын ажиллагааны төсөл хөтөлбөрүүд нь Монгол Улсын эрүүл мэндийн салбарын хөгжил, хүн амд үзүүлэх эрүүл мэндийн тусламж үйлчилгээг сайжруулах, эмч мэргэжилтнүүдийг чадавхжуулах, шилдэг тэргүүн туршлагаас суралцахад дорвитой хувь нэмэр оруулж байгааг тэмдэглэн хэллээ. 

Хамтын ажиллагаа олон жилийн хугацаанд өрнөж байгаа боловч хоёр улсын ЭМЯ-д хооронд албан ёсны баримт бичиг байгуулагдаагүй байсан бөгөөд өнгөрсөн оны дүгээр сард Монгол Улсын Эрүүл мэндийн яам болон Япон Улсын Эрүүл мэнд, нийгмийн халамжийн яам хоорондын эрүүл мэнд, анагаах ухааны салбарт хамтран ажиллах санамж бичгийг байгуулсан нь хоёр улсын эрүүл мэндийн салбар дахь харилцаа, хамтын ажиллагааны эрх зүйн үндсийг баталгаажуулсан чухал ач холбогдолтой арга хэмжээ болсныг тэмдэглэн хэлэв.
Мөн тэрээр “Өвсний үндэс-Хүний аюулгүй байдлыг хангах”, техникийн хамтын ажиллагааны хүрээнд нийслэлийн эмнэлэг болон түргэн тусламжийн төвд 10ш түргэний машиныг хандивлахад ихээхэн хүчин чармайлт, дэмжлэг үзүүлсэнд Ясухис Шиозаки-д талархал илэрхийлээд, туулах чадвар сайтай, эдэлгээ даадаг, ашиглалт өндөртэй эдгээр машинууд нь өнгөрсөн саруудад гарсан томуу, томуу төст өвчний дэгдэлтийн үед ихээхэн хувь нэмэр оруулсныг хэллээ.  
Түүнчлэн Япон Улсын Засгийн газрын буцалтгүй тусламжийн санхүүжилтээр хэрэгжиж буй Монгол-Японы сургалтын эмнэлгийг 2019 оны 3 дугаар сард хүлээн авахад бэлэн бөгөөд эмнэлгийн үйл ажиллагаанд Японы эмнэлгийн менежмент, удирдлага зохион байгуулалтын зарчмыг хэрэглэх болохыг мэдэгдэв.

Уулзалтын явцад талууд дээрх болон сонирхсон бусад асуудлуудаар дэлгэрэнгүй харилцан ярилцав.
Эрүүл мэндийн сайд Д.Сарангэрэл Япон Улсын Парламентын Төлөөлөгчдийн танхимын гишүүн, тус танхимын Япон, Монголын бүлгийн зөвлөх Ясухиса Шиозаки-тай хийж, хоёр улсын эрүүл мэндийн салбар дахь хамтын ажиллагааны талаар харилцан ярилцаж санал солилцов.
2018 оны 4 дүгээр сард Токио хотноо зохион байгуулагдсан Дэлхийн сайд нарын 3 дугаар чуулга уулзалт болон 8 дугаар сард Монгол Улсад хийсэн айлчлалын үеэр хийсэн уулзалтууд найрсаг уур амьсгалтай, ажил хэрэгч уулзалтууд болсныг дурьдав.  
Эдгээр уулзалтуудын үр дүнд “Өвсний үндэс-Хүний аюулгүй байдлыг хангах”, техникийн хамтын ажиллагааны хүрээнд нийслэлийн эмнэлэг болон түргэн тусламжийн төвд 10 түргэн тусламжийн автомашиныг хүлээн авсан бөгөөд үүнд ихээхэн хүчин чармайлт, дэмжлэг үзүүлсэнд Ясухис Шиозаки-д талархал илэрхийлээд, туулах чадвар сайтай, эдэлгээ даадаг, ашиглалт өндөртэй эдгээр машинууд нь өнгөрсөн саруудад гарсан томуу, томуу төст өвчний дэгдэлтийн үед ихээхэн хувь нэмэр оруулсаныг хэллээ.