БНХАУ: Австралид тавьсан хоригоо сунгаж магадгүй

734

 

БНХАУ бол нүүрсний хэрэглээний дэлхийн хамгийн том хэрэглэгч бөгөөд тоглогч. Учир нь дэлхийн гангийн хэрэглээний бараг талыг бүрдүүлдэг тэд үйлдвэрүүддээ коксжих нүүрсийг түлхүү хэрэглэдэг байна.  Тэгвэл тэдний коксжих нүүрсний хамгийн том нийлүүлэгч бол Австрали улс. Хятадын нийт хэрэглээний 44 хувийг дангаар хангаж  үүнээсээ 64 тэрбум ам.долларын ашиг хүртдэг.  Өнгөрсөн жил л гэхэд тэд Хятадад 89 сая тонн коксжих нүүрс экспортложээ.

 БНХАУ-ын хувьд Монгол, ОХУ, Австрали, Канад, Индонез гэх улсуудаас жилд тус бүр 75-80 сая тонн коксжих нүүрс импортолодог бөгөөд экспортлогчдоос 2017 онд 271 сая тонн коксжих нүүрсийг импортлосон байна.

Энэ сараас БНХАУ Австралиас авах коксжих нүүрсний импортын нэг цэг болох Далиан боомтыг тодорхойгүй хугацаагаар хаасан байна. Зөвхөн энэхүү боомтоор Австрали улс 12 сая тонн нүүрс нийлүүлэх ёстой аж. Гэхдээ энэхүү мэдээллийг бүрэн баталгаажаагүй болохыг экспортлогч орон мэдэгдлээ. Мөн тэд дэлхийн хэвлэл мэдээллийн байгууллагууд “БНХАУ Австралийн нүүрсний импортод хоёрдугаар сарын нэгнээс эхлэн 40 хоногийн хугацаатай тавьсан хоригоо сунгахаар боллоо” хэмээн мэдээллэж эхэлснийг эрс үгүйсгэсэн байна.

Тэдний ийнхүү Далиан боомтоор Австралиас авах нүүрсээ зогсоосон нь “Huawei”-тэй холбон тайларлаж байна. Учир нь Австрали улс 2018 оноос “5G” сүлжээний аюулгүй байдлаа хангахын тулд “Huawei”-ийн эсрэг хориг тавьсан юм. Тухайн үед Австралийн эрх баригчид “Huawei”-аас болгоомжлох цаг ирсэн” гэж мэдэгдсэн билээ.

Санал болгох

Сэтгэгдэл

АНХААРУУЛГА: Уншигчдын бичсэн сэтгэгдэлд www.ENE.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Сэтгэгдэлтэй холбоотой санал гомдлыг 9318-5050 утсаар хүлээн авна.
>