Хар тамхины толгойлогч ял сонсов
АНУ-ын шүүхээс Мексикийн хар тамхины худалдааны сүлжээний хамгийн чухал хүн болох "Эл Чапо” гэгддэг Жакуин Газмэнийг бүх насаар нь хорих ялаар шийтгэснийг CNN дамжуулав. Өдгөө 62 настай Газмэнийг Нью-Йоркийн Холбооны шүүхээс хар тамхи наймаалсан, мөнгө угаасан зэрэг 10 гэмт хэргийн заалтаар яллажээ.
Тэрээр 2015 онд Мексикийн шоронгоос нүхэн гарц малтаж оргож зугтсаныхаа дараа баригдсан юм. Түүнийг 2017 онд АНУ-д ялтан шилжүүлэх гэрээгээр шилжүүлсэн байна. Газмэн нь АНУ-д хар тамхи нийлүүлдэг хамгийн том бүлэглэл болох Синало картелийн удирдагч байсан нэгэн юм.
Эх сурвалж: www.polit.mn
