Хөрөнгө оруулагчдын сонирхол ихэссэнээс алтны үнэ $1,500-г давлаа

104

Хөрөнгө оруулагчдын сонирхол ихэссэнээс алтны үнэ $1,500-г давлаа

 

АНУ-БНХАУ-ын худалдааны дайн, дэлхийн эдийн засгийн удаашрал, төв банкуудын мөнгөний зөөлөн бодлоготой уялдаатай эрсдэлээс зайлсхийх найдвартай баталгаа болж буйтай уялдан эрэлт ихэссэн тул алтны фьючерсийн үнэ унц нь 1,500 ам.доллар давлаа.

Нью-Йоркийн таваарын биржийн салбар COMЕX-т нэг унц алтны үнэ 1.2 хувиар нэмэгдэж 1,502.30 ам.доллар болсон нь 2013 оноос хойших үнэмлэхүй өсөлт юм. Алтны үнэ он гарсаар 17 хувиар өсөж, биржид хувьцаагаа арилждаг хөрөнгө оруулалтын сангуудад цутгалаа. Цалин мөнгөний үнэ мөн өсөв. Вашингтон, Бээжин хоёр худалдааны асуудлаар зөрчилдөж, дэлхийн санхүүгийн зах зээл донсолж буй хүнд үе алтанд сайнаар нөлөөлөв.

 

 

"Алт нь эрсдэлээс зайлсхийх найдвартай баталгаат актив болж ирсэн уламжлалтай”-г UBS Group AG-гийн таваар, валютын хэрэг эрхэлсэн гүйцэтгэх захирал Уэйн Гордон тайлбарласан юм. Худалдааны зөрчил гүнзгийрч буйтай холбоотойгоор алтны үнэ цаашид унц нь 1,600 ам.доллар хүрэх магадлалтай хэмээн захирал үзэж байна.

Сингапурын биржид алтны фьючерс үнэ дөрөв дэх өдрөө үргэлжлэн өсөж үдийн 12:08-д унц нь 1,498.10 ам.доллар болов. Австралид алт олборлогчдын хувьцаа үнэд орж Newcrest Mining ltd-гийнх 4.1, Еvolution Mining Ltd-гийн 6.4 хувиар тус тус өслөө. АНУ-ын Холбооны Нөөцийн Систем худалдааны дайны нөлөөтэй уялдуулан өнгөрсөн сард бодлогын хүүгээ бууруулсан нь сүүлийн 10 гаруй жилийн хугацаанд анх удаа тохиолдож буй үзэгдэл болсон юм. Бодлогын хүү буурсан нь хөрөнгө оруулагч нарын алт сонирхох сонирхлыг өсгөв. АНУ энэ жил бодлогын хүүгээ нийтдээ гурван удаа бууруулна хэмээн Goldman Sachs Group Inc таамаглаж байна.

Ранжита Пакиам

"Засгийн газрын мэдээ" сонин

Санал болгох

Сэтгэгдэл

АНХААРУУЛГА: Уншигчдын бичсэн сэтгэгдэлд www.ENE.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Сэтгэгдэлтэй холбоотой санал гомдлыг 9318-5050 утсаар хүлээн авна.