Мал аж ахуй эрхлэхийг хориглосон бүсээс 10 өрхийн нийт 101 толгой малыг гаргав

22

Мал аж ахуй эрхлэхийг хориглосон бүсээс 10 өрхийн нийт 101 толгой малыг гаргав

 

Баянзүрх дүүргийн Засаг даргын Тамгын газраас иргэдийн ая тухтай, таатай орчинд амьдрах нөхцөлийг бүрдүүлж, эрүүл аюулгүй орчинг бий болгох зорилтын хүрээнд 2019 оны 08 дугаар сарын 28-ны өдрөөс 09 дүгээр сарын 01-ний өдрийг хүртэлх хугацаанд  дүүргийн мал аж ахуй эрхлэхийг хориглосон бүсэд үлдсэн малыг албадан гаргах ажлыг зохион байгууллаа.

Дүүргийн Онцгой байдлын хэлтэс, Мэргэжлийн хяналтын хэлтэс,  дүүрэг дэх Цагдаагийн 2,3 дугаар хэлтэс, ‘’Баяндэмбэрэл’’ МЭҮА болон 11,21,23 дугаар хороотой хамтарсан 90 гаруй хүний бүрэлдэхүүнтэй ажлын хэсэг дээрх хугацаанд 11 дүгээр хорооны Эмийн ургамалд байрлах хорио цээрийн хашаанд тус хорооны 10 өрхийн нийт 101 толгой малыг хаших арга хэмжээ авсан байна.

Түүнчлэн, мал аж ахуй эрхлэхийг хориглосон бүсээс гараагүй үлдсэн малыг Төв аймгийн Эрдэнэ, Сэргэлэн, Сэлэнгэ аймгийн Орхонтуул, Налайх дүүргийн Городок, болон дүүргийн 20 дугаар хороо Богдын ам, 11 дүгээр хороо Сүүл давааны зөвшөөрөгдсөн бүсэд нүүлгэн шилжүүлсэн юм хэмээн Баянзүрх дүүргийн ЗДТГ-ын Хэвлэл мэдээллийн албанаас мэдээллээ.

Санал болгох

Сэтгэгдэл

АНХААРУУЛГА: Уншигчдын бичсэн сэтгэгдэлд www.ENE.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Сэтгэгдэлтэй холбоотой санал гомдлыг 9318-5050 утсаар хүлээн авна.