О.Баасанхүү: 20 жил хууль зүйн сайд хийсэн хүн Монголоо дахиад л хорлов

66

Парис хотод болж буй ФАТФ-ын жилийн хурлын албан ёсны шийдвэр хараахан гараагүй байна. Албан ёсны мэдээлэл маргааш гарахаар товлогдсон. Монголбанкны дэд ерөнхийлөгч Б.Лхагвасүрэн өчигдөр /2019.10.16/ “Монгол Улс хийсэн ажлаараа ФАТФ-ын саарал жагсаалтад орохооргүй байгаа” хэмээн мэдэгдсэн билээ.

Гэхдээ улс төрчид болоод зарим эдийн засагчдын ярьж байгаагаар манай улс саарал жагсаалтад хэдийнэ орчихсон гэдэг мэдээлэл юм. Харин улсаа саарал жагсаалтад оруулахад хэн, юу нөлөөлсөн гэдэгт хариулт өгөх эзэн олдохгүй бүгд өөрсдөөсөө бурууг түлхэж байгаа. 

Тэгвэл сараал жагсаалтын талаар УИХ-ын гишүүн О.Баасанхүү дараах байр суурийг илэрхийлж, өөрийн твиттер хуудаснаа нийтэлжээ. Тэрбээр“Бид 2011-2014 онд саарал жагсаалтад орж байсан. Тэр үед доллар яаж өссөн билээ. Одоо бид саарал жагсаалтанд орвол доллар яаж өсөхийг бид таашгүй. 20 жил хууль зүйн сайд хийсэн хүн Монголоо дахиад л хорлов. Арай Улсаа хорлуулах гэж дахин дахин хууль зүйн сайд болгодог юм биш биз” гэжээ.

Эх сурвалж: iSee.mn

Санал болгох

Сэтгэгдэл

АНХААРУУЛГА: Уншигчдын бичсэн сэтгэгдэлд www.ENE.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Сэтгэгдэлтэй холбоотой санал гомдлыг 9318-5050 утсаар хүлээн авна.