Монголд ажиллаж байсан турк багш нарт Канад улс орогнол олгожээ
Турк улсын улс төрийн нөхцөл байдлаас үүдэн Монголд ажилладаг турк багш нар хүнд байдалд орсон билээ. Монгол дахь Эмпати сургуулийн найман багшийн гадаад паспортыг Туркийн гадаад яамнаас хүчингүй болгож, Монгол Улсаас албадан гаргах шаардлага тулгараад байсан юм.
Ингэснээр багш нар НҮБ-д хандаж, улс төрийн орогнол хүсчээ. Тэдний хүсэлтийг Канад улс хүлээн авч, орогнол олгосон байна. Багш нар өнгөрсөн наймдугаар сард манай улсаас гарч, Канад улсыг зорьжээ.
Б.Энэрэл
Shuud.mn
