Гар утас дэлбэрч гарыг нь хүнд гэмтээжээ
Дорноговь аймагт гар утас дэлбэрсний улмаас нэг иргэн хүнд бэртсэн мэдээлэл цагдаагийн байгууллагад бүртгэгджээ.
Тодруулбал, тус аймгийн Айраг сумын нэгдүгээр багт нэгдүгээр сарын 13-ны өдөр нэг иргэний энгэрийн халаасанд байсан Samsung загварын утас дэлбэрч, цээжин хэсэгт бэртэл авч, зүүн гарын бугалга хэсэг тасарсан байна.
Хэргийн газарт ажилласан цагдаагийн ажилтнууд дэлбэрсэн гар утасны үлдэгдлийг хураан авч, хэрэг бүртгэл нээн шалгаж байгаа аж.
