Лүндээ нь мөнгөтэй л байсан байхгүй юу

101

Шинэ он гараад удаагүй байхад УИХ-ын гишүүн Д.Эрдэнэбат, Д.Тогтохсүрэн, Д.Лүндээжанцан, Монгол Улсаас Австрали улсад суугаа Онц бөгөөд Бүрэн эрхт Элчин сайд Б.Чулуунхүү нарын “The Star Sydney” казинод явж буй зураг олон нийтийн сүлжээгээр тархаж тэд оны анхны дуулианы эзэд болж хэсэгтээ шуугицгаасан.

Өнөөгийн парламент доторх тулхтай хэдэн гишүүд ийм асуудалд холбогдсонд ихэнх нь итгээгүй байх. УИХ дахь АН-ын бүлгийн дарга Д.Эрдэнэбат “Лүндээд ямар мөнгө байх вэ дээ” гэхэд нь “Хөөрхий дөө, арай л доош нь хийж байна даа” гэж, мөн “Лүндээ гишүүн ийм юманд орооцолдоогүй нь яамай даа” гэж бодсон нь олон байх. Учир нь Монголын ард түмэн өвгөн хуульчийг хүндэтгэдэг болоод тэр шүү дээ.

Гэтэл өнөөх Лүндээ нь мөнгөтэй л байсан байхгүй юу. Бүр хэзээ язааны тоглодог хүн шиг сууж буй зураг нь цахим орчноор тарсан. Тэгтэл эрхэм гишүүн “Би 20 жил Казиногийн тухай хуулийг эсэргүүцсэн хүн. Ази, Номхон далайн орнуудын парламентын 28 дугаар чуулганд оролцоод ирэх үеэрээ казино гэж юу байдгийг үзье гэж бодсон. Ер нь манайд энэ хуулийг батлах шаардлага байна уу, үгүй юу гэдгийг судалж үзэж сонирхохоор орж танилцсан” гэх тайлбар өгөөд байгаа...

Өвгөн гишүүн үнэндээ Казиногийн тухай хуулийн эсрэг байсан нь үнэн. Гэхдээ Лүндээ гишүүнээ, судалж байгаа хүн суудал дээр нь тухалдаггүй л байхгүй юу, уг нь...

С.Туул

Эх сурвалж: erennews.mn 

Санал болгох

Сэтгэгдэл

АНХААРУУЛГА: Уншигчдын бичсэн сэтгэгдэлд www.ENE.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Сэтгэгдэлтэй холбоотой санал гомдлыг 9318-5050 утсаар хүлээн авна.