Ван И: АНУ БНХАУ-ыг өөрчлөх бодлоосоо салах хэрэгтэй

34

АНУ БНХАУ-ыг өөрчлөх гэсэн бодлоосоо салж, хоёр орныг шинэ Хүйтэн дайны ирмэг рүү түлхэхээ зогсоох хэрэгтэй гэж БНХАУ-ын Гадаад хэргийн сайд Ван И мэдэгдсэн байна. Дэлхийн хамгийн том эдийн засагтай хоёр орны харилцаа өдрөөс өдөрт сэвтэж байгаа энэ үед Ван И Бүх Хятадын Ардын төлөөлөгчдийн их хурлын үеэр болсон хэвлэлийн бага хурлыг ашиглан АНУ-д шууд мессеж илгээжээ. 
"БНХАУ-д АНУ-ыг өөрчлөх өчүүхэн ч бодол байхгүй. Харин АНУ БНХАУ-ыг өөрчилж, 1.4 тэрбум хүний шинэчлэлийн төлөөх түүхэн маршийг зогсоох гэсэн бодлоо орхих цаг нь болсон" гэж тэрээр хэлсэн байна. Мөн тэрээр, “АНУ-ын улс төрчид БНХАУ-АНУ-ын харилцааг барьцаалан хоёр улсыг шинэ Хүйтэн дайны ирмэг рүү түлхэж байна. Энэ нь хоёр улсын түүхэн харилцааны үр шимийг үгүй хийж, цаг хугацааг ухрааж, АНУ-ын хөгжлийн хэтийн төлвийг сааралтуулж, дэлхий дахины тогтвортой байдал, хөгжил цэцэглэлтэд аюул учруулах ноцтой оролдлого юм” гэж мэдэгджээ. 
 
Д.Нямтулга
Эх сурвалж: Монцамэ агентлаг

Санал болгох

Сэтгэгдэл

АНХААРУУЛГА: Уншигчдын бичсэн сэтгэгдэлд www.ENE.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Сэтгэгдэлтэй холбоотой санал гомдлыг 9318-5050 утсаар хүлээн авна.