АТГ 2020 оны сонгуулиас эхэлж нэр дэвшигчдийн ХОМ-гийг авч, олон нийтэд түгээж байгаа билээ. Тэр ч үүднээсээ 2020 оны УИХ-ын сонгууль ихээхэн онцлогтой болж байгаа гэж ойлгож болно. Хамгийн сонирхолтой нь энэ удаагийн УИХ-ын сонгуульд нэр дэвшин өрсөлдөж байгаа 606 хүний 21 нь тэрбумаас дээш төгрөгийн хадгаламжтай байгаа нь энэ сонгуулийн нэг  томоохон шуугиан болоод байна. Тэдгээр эрхмүүдийн талаар тодруулхад жишээ нь УИХ-ын сонгуулийн 26 дугаар тойрогт МАН-аас өрсөлдөж байгаа УИХ-ын гишүүн, "Оргил"-ын гэх тодотголтой Ж.Ганбаатар 25 тэрбум төгрөгийн хадгаламжтайгаар нэр дэвшигчдийг манлайлж байгаа бол түүний араас 7.5 тэрбум төгрөгийн хадгаламжаараа Сэлэнгэд нэр дэвшиж байгаа Д.Өнөрболор хоёрдугаарт орж байна. Харин УИХ-ын гишүүн асан, П.Кёкүшюзан Батбаяр 7.5 тэрбумын хадгаламжаараар гуравдугаарт, УИХ-ын гишүүн Ц.Мөнх-Оргил 5 тэрбум 499 саяын хадгаламжаар дөрөвдүгээрт жагсчээ.

Үүний дараа тэрбумтнуудын эхний тавд Та бидний эвсэл"-ээс Сэлэнгэ аймагт өрсөлдөж буй Ш.Эрдэнэбат 5 тэрбум 492 саяар бичигдсэн бол УИХ-ын гишүүн Б.Наранхүү Б.Дэлгэрсайхан нар  4 тэрбум гаруйн хадгаламжаараа 6, 7 руу орж ирж байна. Өөр бусад олны танил бус хэд хэдэн тэрбумтнууд жижиг, нам эвслээс нэр дэвшиж байгаа юм байна. Тухайлбал, "Та бидний эвсэл"-ээс 27 дугаар тойрогт нэр дэвшиж буй Д.Бямбасүрэн 1 тэрбум 949 сая төгрөгийн хадгаламжтай бол "Шинэ эвсэл"-ээс УИХ-ын 8 дугаар тойрог буюу Дорноговьд нэр дэвшиж байгаа Ц.Гантулга 1 тэрбум 95 саяын хадгаламжтай хэмээн мэдүүлжээ.  Харин "Зөв хүн электорат" эвслээс Сүхбаатар дүүрэгт өрсөлдөж байгаа эдийн засагч Б.Мөнхсоёл 3 тэрбум 283 саяын хадгаламжаараа нэлээд дээгүүрт бичигдэж байгаа нь олон хүний анхаарлыг эрхгүй татсан үйл явдал боллоо.   

Ж.Тэмүүжин

Эх сурвалж: Guren.mn