Орон нутгийн төсвийг У.Хүрэлсүх, Л.Оюун-Эрдэнэ, Г.Занданшатар нарын тойрог тасархай тэргүүллээ
<!--
MBegin:http://dursamj.mn/uploads/posts/2020-10/1603702367_122859052_3141260725985909_2123597251195103822_o.jpg|
-->
<!--
MEnd
-->
УИХ-ын гишүүд нь төсвөө хэлэлцэн батлахдаа өөрсдийн сонгогдсон тойрогт ‘ахиу’ хөрөнгө оруулалт тусгах гэж ажилладаг нь нууц биш. Энэ нь тухайн улстөрчийн улс төр болон намдаа эзлэх байр суурь, нөлөө, хуралдааны идэвхийг давхар харуулдаг. Товчхондоо, өнөөдрийн улс төрийн өнгийг хэн тодорхойлж байгааг гишүүдийн тойрогтоо тусгасан төсвөөс харах боломж олддог.2021 оны улсын төсвийг хэлэлцэх ажил улс төрийн хүрээнд ид өрнөж буй энэ үед ч дээр дурдсан улстөрчдийн нөлөө, идэвх санаачилга аймаг, орон нутаг, дүүрэгт тусгасан хөрөнгө оруулалтаас нь шуудхан харагдаж байх юм.
Орон нутгийн хувьд мэдээж Засгийн газрыг тэргүүлж буй Ерөнхий сайд, МАН-ын дарга У.Хүрэлсүх, Засгийн газрын хэрэг эрхлэх газрын дарга Л.Оюун-Эрдэнэ нарын тойрог болох Хэнтий болон УИХ-ын дарга Г.Занданшатарын сонгогдсон Баянхонгор аймгуудын төсөв бусад аймгаасаа хол тасархай тэргүүлж байна.
Харин өнгөрсөн 8 жилийн хугацаанд төсөвт тусгагдсан хөрөнгө оруулалтаараа 21 аймгаас 21-т ёс юм шиг жагсдаг байсан Дундговь аймаг Ерөнхий сайд асан Сү.Батболд гишүүнийг сонгосноор ирэх жилийн төсвийн төсөлд 3 дугаарт жагссан байна.
Үүнээс эрх баригч МАН-ын нөлөө бүхий улс төрчид 2021 оны төсөвт сонгогдсон тойргууддаа бусад тойргоос хол илүү хөрөнгө оруулалт тусгахаар ажиллаж байгаа нь харагдаж байна.
