Жагсагчид Конгрессын ордонд дайран орж, нэг хүн амиа алджээ

67

АНУ-ын нийслэл Вашингтонд орон нутгийн цагаар 6-нд хүчирхийллийн жагсаал цуглаан болсон талаар Синьхуа агентлаг мэдээллээ. Хэсэг жагсагчид Конгрессын ордонд дайран орж, цагдаагийнхантай мөргөлдөөн үүсч, нэг хүн амиа алджээ. Үүний улмаас сонгуулийн дүнг батлах Конгрессын сенат, төлөөлөгчдийн танхимын нэгдсэн хурал тасалдсан байна.

АНУ-ын Конгрессын дээд, доод хоёр танхим нэгдсэн хурал зохион байгуулж, 2020 оны ерөнхийлөгчийн сонгуулийн муж улсуудын сонгуулийн хэсгийн саналыг тоолсон үр дүнг бүртгэж, баталгаажуулах ёстой байв. Хурал эхлээд төдийлөн удаагүй байхад Бүгд Найрамдах Намын гишүүд болон сенатууд Аризона муж улсын санал тоолсон үр дүнг эсэргүүцэж буйгаа илэрхийлснээр, хоёр танхимынхан Холбооны хуулийн тогтоол ёсоор тус тусдаа мэтгэлцээн хийх шатанд орсон аж. Мэтгэлцээн хийх үеэр Конгрессын ордны ойролцоо цуглаад байсан хэсэг жагсагчид Конгрессын ордон руу дайран орж, үүний улмаас гишүүд тарж, Конгрессын хурал завсарлажээ.

Америкийн мэдээллийн хэрсэглийн мэдээлснээр, Конгрессын ордонд нэг үе буун дуу гарч, нэг эмэгтэй суманд өртсөний улмаас эмчилгээ авалгүй нас барж, олон цагдаа гэмтэж бэртсэн байна.

 

Санал болгох

Сэтгэгдэл

АНХААРУУЛГА: Уншигчдын бичсэн сэтгэгдэлд www.ENE.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Сэтгэгдэлтэй холбоотой санал гомдлыг 9318-5050 утсаар хүлээн авна.