Харь гаригийн амьдрал хайгч аппаратыг туршжээ
АНУ-ын сансар судлалын NASA агентлаг харь гаригийн амьдралыг хайгч
"PAMSS” гэгч аппаратыг хүйтэн, бага даралттай нөхцөлд ажиллах боломжтой
эсэхийг туршихын тулд тус улсын Таксон хотоос агаарын бөмбөлгөөр
хөөргөжээ. Агаарын бөмбөлөг 32 мянган метрийн өндөрт цаг гаруй ажиллаад
амжилттай газардсан байна. "PAMSS” төхөөрөмж нь амьд организмуудын
бодисын солилцооны явцад ялгардаг төрөл бүрийн хийг илрүүлэх хэт улаан
туяаны лазертай аж. Энэ төхөөрөмжийн тусламжтайгаар NASA агентлаг
Ангараг, Бархасбадийн дагуул Европ, Санчирын дагуул Энцеладад метан
зэрэг хийн ул мөрийг илрүүлэх зорилготой юм байна.
Б.БАРС /ЗУУНЫ МЭДЭЭ/
