Малайзад монгол эмэгтэй амиа алджээ
Малайзад монгол эмэгтэй амиа алдсан
талаар гадаадын http://www.nst.com.my/node/80272 сайтад мэдээлсэн байна.
Тодруулбал, Куала Лумпур дахь Таман Малур байшингийн зургаан давхраас
29 настай монгол эмэгтэй унаж, амиа алдсан байна.
Хөршүүд нь амиа алдсан эмэгтэйн гэрээс хашгирах дуу сонсогдсон учраас цагдаагийн байгууллагад дуудлага өгчээ. Эх сурвалжийн мэдээлснээр хэрэг өчигдөр 11:30 цагт гарсан байна. Цагдаа нарыг хэргийн газар ирэхэд өндрөөс унаж амиа алдсан байдалтай байжээ.
"Хохирогч гэртээ гурван монгол эмэгтэйн хамт амьдардаг байсан. Хэргийн газрын эхний үзлэгээр ширээн дээр байсан эд зүйлс аяга таваг нь хагарсан байдалтай байсан. Магадгүй санаатай хүн амины хэрэг байж болзошгүй. Хэргийг нягтлан шалгаж байна” хэмээн Куала Лумпурын цагдаагийнхан мэдээлжээ.
Малайзын Куала Лумпур хотод 29 настай монгол эмэгтэй, энэ сарын 12-ны өдөр "Tаман Малури” гэх барилгын зургаан давхраас унаж нас барсан тухай тус улсын "New straits times” сонины цахим хувилбарт мэдээлсэн байна.
Тус сонинд "Хөршүүд нь цагдаагийн байгууллагад дуудлага өгсөн. Хохирогч гурван монгол эмэгтэйн хамт амьдардаг байсан. Хэргийн газарт цагдаа нарыг очиход ширээн дээрх аяга таваг хагарсан байдалтай байсан. Энэ нь хүн амины хэрэг байж болзошгүй гэж Куала Лумпурын цагдаагийнхан хэлэв” гэж мэдээлжээ.
Харин Гадаад хэргийн яамны хэвлэлийн ажилтнаас энэ тухай тодруулахад "Ийм хэрэгг гарсан. Албан ёсны мэдээлэл ирсний дараа мэдээлэл өгнө” гэлээ.
