Энэ намар сургууль, цэцэрлэгийн 14 цогцолбор ашиглалтад орно
Энэ намар сургууль, цэцэрлэгийн 14 цогцолборыг ашиглалтад оруулахаар төлөвлөж байна. Нийслэлийн төсвийн хөрөнгөөр барьж байгуулж байгаа эдгээр цогцолбороос одоогоор 3-4-ийнх нь ажил удааширчээ. Харин 11 дүгээр сар гэхэд арав нь ашиглалтад орох боломжтой гэж албаныхан үзэж байна. Сургууль, цэцэрлэгийг нэг дор цогцолбор хэлбэрээр барих нь хүүхэд болон эцэг, эхчүүдэд хэрэгтэй гэж Нийслэлийн засаг даргын хот байгуулалт, хөрөнгө оруулалтын асуудал хариуцсан орлогч С.Очирбат цогцолборуудын ажлын явцтай танилцах үеэр хэллээ.
Нийслэлийн хөрөнгөөр 10 сургууль, цэцэрлэгийн цогцолборыг энэ онд ашиглалтад оруулахаар ажиллаж байна. Мөн нийслэлийн болон улсын төсвөөр нийгмийн салбарын 82 төслийг хэрэгжүүлж эхэлжээ.
