Б.Ариунжаргал: Бусдыг нь ав Газар шороог минь л үлдээчих
Бусдыг нь ав
Газар шороог минь л үлдээчих
Булбарай үрсээ харийн боол болохоос өмнө
Буурлын сүнс хилэгнэж өндөлзөхөөс өмнө
Бүсгүй заяаныхаа цагаан сэтгэлээр сүсэглэн гуйя
Газар шороог минь үлдээчих
Бурхан гуйсанч бүү өг гэж
Тэр юуны төлөө
Тэнгэрээс хүртэл харамлав
Тал нутагт чинь аргалын утаа уугихаа болихоос өмнө
Тал нутагт чинь морин төвөргөөн сонсогдохоо болихоос өмнө
Таван хошуу мал чинь түүх болж үлдэхээс өмнө
Газар шороог минь л үлдээчих
Монгол хүний цус урсаж
Монгол эхийн нулимс урсаж
Чиний Монгол уйлахаас өмнө
Газар шороог минь л үлдээчих
Харийнхан хаан сууж
Халх цус холилдож
Чиний Монгол боолчлогдохоос өмнө
Газар шороог минь л үлдээчих. 20140617.
Б.Ариунжаргал
