Жорж Флойдын хэргээс хойш 229 Африк гаралтай Америк хүн цагдаа нарт алагджээ
НҮБ-ын хүний эрхийн зөвлөлийн 51-р чуулганд Хятадын төлөөлөгч Америк зэрэг зарим улс орнуудын хууль хяналтын байгууллагуудын үндэстний цөөнхийн ард иргэдэд чиглүүлэн үйлдэж буй гадуурхсан шинжтэй гүйцэтгэх ажиллагаанд онцгой анхаарал хандуулж, Дурбаны тунхаг болон үйл ажиллагааны хөтөлбөрт тусгасанчилан Жорж Флойдын мэт эмгэнэлт хэргийг дахин гаргахгүй байх дээр анхаарах ёстой гэв.
Статистикаас үзвэл Жорж Флойдын хүзүүн дээр өвдөглөж алснаас хойш нэг жилийн дотор Америкийн хэмжээнд хамгийн багадаа Африк гаралтай 229 Америк иргэд цагдаа нарын гарт амь насаа алджээ.
Эдгээр эмгэнэлт үйл явдал Америк маягийн хүний эрхийн хуурамч дүр төрхийг илчилж буй юм. Америкийн нийгэм нь улс төрчдийнх нь онгирч буй ардчиллын диваажин биш төдийгүй ядаж наад захын хүний эрхийг ч хамгаалж чаддаггүй өвчилсөн нийгэм мэт.
Африк гаралтай иргэдийн эсрэг бүдүүлгээр хууль сахиулж буй асуудал яагаад Америкт ийм түгээмэл оршиж буй юм гэх асуулт гардаг. Эцсийн эцэст энэ нь Америкийн нийгмийн арьсны өнгөөр ялгаварлан гадуурхах архаг өвчнийг илтгэн харуулж буй юм. Өнгөрсөн 50 жилд Америк хүний эрхийг хамгаалах талаар ямар ч дэвшилгүй байсаар ирсэн нь ч үүнд нөлөөлсөн.
Америкийн нийгэмд үндэстний цөөнх бол зөвхөн сонгуулийн санал өгөх багаж төдий болсноос биш, тэдний эрхийг хамгаалах сонирхол Америкийн улс төрчид огт байхгүйг ч бас харуулж байна.
Америк арьсны өнгөөр ялгаварлан гадуурхахыг арилгах тухай олон улсын конвенцыг хэрхэн хэрэгжүүлсэн талаар НҮБ-ын арьсны өнгөөр гадуурхахыг арилгах зөвлөл энэ оны 8-р сард хянан хэлэлцэхдээ, тус улсын арьсны өнгөөр гадуурхах архаг үзэгдлийг зэмлэн буруушаасан юм. Саяхан болсон НҮБ-ын хүний эрхийн зөвлөлийн 51-р чуулганд оролцсон талууд үнэнхүү бодитой арга хэмжээ авч, дотоодынхоо арьс өнгөөр ялгаварлах үзлийн асуудлыг эцэслэн шийдэхийг шаардсан билээ.
Наянтайгийн Далантай
