"Хөгжилтэй сүүн худалдагч" нэрээрээ олонд танигдсан фермер Жастас Уолкер шилжилт хөдөлгөөний албанд очиж уулзжээ. Түүний гэр бүлийг Оросоос албадан гаргах үндэслэл байхгүй гэдгийг тус албанаас мэдэгдсэн байна. Тэрбээр үүссэн нөхцөл байдлыг үл ойлголцол байсан хэмээн тайлбарлав.

Уолкерын эхнэр, хүүхдүүд нь ОХУ-ын иргэншилгүй бөгөөд оршин суух зөвшөөрөлтэйгөөр тус улсад амьдардаг. Тэд хуулийн дагуу тогтоосон хугацаанаас илүү хугацаагаар үлдэх хүсэлтээ шилжилт хөдөлгөөний байгууллагад мэдэгдэх үүрэгтэй байжээ. Гэвч энэхүү мэдэгдлийг хугацаандаа өгөөгүй нь Оросын засаг захиргааны зөрчлийн тухай хуулийг зөрчсөн байна.

Энэхүү зөрчил нь хуулийн дагуу улсаас албадан гаргах хүртэл шийтгэлтэй байдаг аж. Харин фермер Жастас Уолкер өөрөө ОХУ-ын паспорттай тул түүнд ямар нэгэн хариуцлага хүлээлгэх үндэслэлгүй байв. Өмнө нь тэрбээр гэр бүлийг нь албадан гаргаж болзошгүй тухай анхааруулга авсан талаараа дүрс бичлэг нийтэлж байжээ.

Монгол Улсад оршин сууж буй гадаадын иргэд болон тэдний гэр бүлийн гишүүд мөн адил виз, оршин суух зөвшөөрлийн хугацаагаа тухай бүр сунгаж, бүртгүүлж байх нь хуулийн хариуцлагаас сэргийлэх чухал ач холбогдолтой юм.