Ахмад бөхчүүд македоноос 10 медальтай ирнэ
Чөлөөт бөхийн 2018 оны ахмадын Дэлхийн аварга шалгаруулах тэмцээн есдүгээр сарын 28-30-нд Македоны нийслэл Скопье хотод боллоо. Тэмцээн "А” (35-40 нас), "В” (41-45 нас) "С” (46-50 нас) "D” (51-55 нас), "E” (56-60 нас) гэсэн таван насны ангилалд өрсөлдсөн юм.
Сүүлийн өдөр "А” ангиллын зургаан жингийн барилдаан болоход 78 кг-ын жинд Б.Лхагвадорж мөнгө, 88 кг-ын жинд Б.Содномпил, 130 кг-д Б.Сүхбаатар нар хүрэл медаль хүртлээ.
Манай улс Скопьед 20 тамирчин, дөрвөн албаны хүн, нэг шүүгч, нэг эмчтэй очсон бөгөөд нэг алт, гурван мөнгө, зургаан хүрэл, нийт 10 медальтай нутагтаа ирэхээр болж байна.
"СКОПЬЕ”-ГЭЭС МЕДАЛЬ ХҮРТСЭН ТАМИРЧИД:
Алтан медаль:
1. Буяндэлгэрийн Болд - "E” ангиллын 100 кг
Мөнгөн медаль:
1. Шурагийн Баянмөнх - "В” ангиллын 130 кг
2. Хаянхирваагийн Нямдорж -"C” ангиллын 70 кг
3. Буянтөрийн Лхагвадорж - "А” ангиллын 78 кг
Хүрэл медаль:
1. Буяндэлгэрийн Бат - "E” ангиллын 88 кг
2. Цэвээнжавын Дуламсүрэн - "E” ангиллын 100 кг
3. Доржготовын Ганбат - "В” ангиллын 78 кг
4. Гэндэндоржийн Баатарсүрэн - "С” ангиллын 62 кг
5. Баатарын Содномпил - "А” ангиллын 88 кг
6. Батмөнхийн Сүхбаатар - "А” ангиллын 130 кг
Эх сурвалж: МЧБХ
