С.Эрдэнэ: АН онцгой комисс байгуулж, хууль бус үйлдлүүдийг баримтжуулна
УИХ дахь АН-ын бүлгийн дарга С.Эрдэнэ эрх баригчдын хууль зөрчих үйлдэл хэрээс хэтэрч байгааг хэллээ. Тэрээр "Сүхбаатар аймгийн Засаг даргын томилгоог хууль бусаар хийж, Зам-Үүд дээр төрийн албаны байранд хүчээр нэвтрэн орж, тамга тэмдгийг авсан зэрэг үйлдлүүд эрээ цээрээ алдаж байгаа. Ийм үйлдэл цаашдаа олон газар гарах шинжтэй байна. АН-аас онцгой комисс байгуулж, төрийн хууль бус үйл ажиллагаануудыг баримтжуулж авч байгаа. Уг асуудлаар удахгүй мэдээлэл хийнэ” гэв.
Харин АН-ын бүлгийн дэд дарга Б.Пүрэвдорж "Төрийн албаны зөвлөлийн хоёр гишүүнийг ээлжийн амралттай байх хугацаанд нь албан тушаалаас чөлөөлөх асуудлыг УИХ- д оруулж ирлээ. Төрийн албаны нэр бүхий хоёр гишүүн ажлаас чөлөөлөгдөх өргөдлөө өгөөгүй байгаа. МАН-ын энэ үйлдэл Төрийн албаны тухай хууль болон бусад хуулиудаа ноцтой зөрчиж байна” гэлээ.
С.Бүжин eagle.mn
