ФОТО:Гаргүй зураач гайхалтай гэмээр реалист хөрөг зурдаг
Польшийн зураач Mariusz Konrad Kędzierski хоёр гаргүй төржээ. "Энэ нь би хүүхэд насныхаа мөрөөдлийг орхино гэсэн хэрэг биш. Зураг зурах нь 7 наснаас миний амьдралын хэв маяг болсон юм. Тэр цагаас хойш би 700 гаруй зураг зурж, үүнд 15000 гаруй цаг зарцуулсан байдаг” гэж тэр ярьсан байна. Ердөө 3 ойтой байхад нь түүний авъяасыг анзаарчээ. Mariusz 12 настайдаа уран зураг зурж, сүүлд нь 2008 оны сүүлчээр хэд хэдэн удаа мэс засал хийлгэснээс болоод уран бүтээлийн ажлаа хэдэн жил орхиход хүрсэн байна. Тэр үеэс дүрслэх урлагт өөрийгөө сорьж, ихэвчлэн хөрөг зурдаг байжээ.
Түүний зургууд АНУ, Их Британи, Өмнөд Солонгост худалдаалагддаг байна. Түүний нэг зураг АНУ-ын нэг хамтлагийн цомгийн хавтсанд тавигджээ. 2013 оны 10 дугаар сард Вена хотод болсон уралдаанаас дэлхийн шилдэг зурагчны 2 дугаар зэргийн шагнал хүртсэн байна. "Сүүлчийн хэдэн зургаа би Европоор аялж явахдаа зурсан юм. Би Берлин, Амстердам, Лондон, Парис, Барселон, Марсель, Венеци, Ром, Афин хотын гудамжинд зураг зурж байсан. Би өөрийн төсөлд «Mariusz зурж байна» гэсэн нэр өгсөн. Тийнхүү, хүмүүсийн урам зоригийг сэргээж, бүхий л хил хязгаар бидний толгойд л байдаг гэдгийг тэдэнд харуулахыг би хүсдэг” гэж тэр ярьжээ.
