Ковид-19: Манай улсад батлагдсан тохиолдол нэгээр нэмэгдлээ
Эрүүл мэндийн яамны ээлжит хэвлэлийн хурлаар коронавирусын талаар цаг үеийн мэдээллийг хүргэлээ. Энэ үеэр ХӨСҮТ-ийн захирал Д.Нямхүүгийн мэдээлснээр Франкфурт- Улаанбаатарын онгоцоор ирсэн нэг хүний сорьцод коронавирус илэрчээ.
Харин сайн мэдээ нь өнөөдөр дөрвөн хүн эдгэрч, дараагийн шатны ажиглалт руу шилжиж байна. Эдгэрсэн хүмүүсийн тухайд, 33 настай эрэгтэй, Беларус улсын иргэн 66 настай эрэгтэй, ОХУ-ын иргэн 20 настай эмэгтэй, мөн нэг ОХУ-ын иргэн эдгэрчээ.
Ингээд манай улсад батлагдсан тохиолдол 289 болсноос 222 хүн эдгэрсэн. Эмчилгээнд байгаа 67 хүний 62 хүний биеийн байдал хөнгөн, 5 нь хүндэвтэр байгаа юм байна.