АИ-92 автобензины 34 хоногийн нөөцтэй байна
Улсын хэмжээнд 7 дугаар сарын 28-ны өдрийн байдлаар нийт 137,554 тн шатахууны нөөцтэй байгаагаас А-80 автобензин 6,852 тн буюу 41 хоногийн, АИ-92 автобензин 45,880 тн буюу 34 хоногийн, АИ-95 автобензин 5,830 тн буюу 44 хоногийн, ДТ 76,765 тн буюу 28 хоногийн, онгоцны түлшний 30 хоногийн нөөцтэй байна.
Улаанбаатар хотын хэмжээнд нийт 64,855 тн шатахууны үлдэгдэлтэй байгаагаас А-80 автобензин 1,168 тн, АИ-92 автобензин 27,365 тн буюу 29 хоногийн, АИ-95 автобензин 2,309 тн буюу 31 хоногийн, ДТ 31,884 тн буюу 29 хоногийн хэвийн нөөцтэй байгаа юм.
Шатахууны нөөцийг бүсчилбэл, баруун бүсэд 14,553 тн, хангайн бүсэд 6,122 тн, төвийн бүсэд 32,070 тн, зүүн бүсийн шатахууны үлдэгдэл, нөөц 10,654 тн байна.
Манай улс он гарсаар нийт 1,051.1 мян.тн газрын тосны бүтээгдэхүүн импортолжээ. Үүнд А-80 автобензин 20.1 мян.тн, АИ-92 автобензин 350.7 мян.тн, АИ-95/98 автобензин 15.8 мян.тн, ДТ 529.2 мян.тн, онгоцны түлш 17.2 мян.тн, жет А-1 18.8 мян.тн, бусад 99.3 мян.тн-ыг тус тус импортолсон байна.
