А.Ичинноров Бодибилдингийн дэлхийн аварга болов
Тайландын Бангкок хотноо бодибилдинг, фитнессийн 2016 оны Дэлхийн аварга шалгаруулах тэмцээн /ДАШТ/-ээс манай тамирчин А.Ичинноров алтан медаль /Women's Fitness Physique up to 160cm/ хүртэж дэлхийн аварга цолтон болов.
Энэ удаагийн ДАШТ-д 59 орны 600 гаруй тамирчид бие бялдар, ур чадвараа сорихоор Бангкокт ирсэн бөгөөд манай улсаас эрэгтэй 10, эмэгтэй зургаа, нийт 16 тамирчин өрсөлдөж байгаа юм.
Энэхүү тэмцээнд манай тамирчид амжилттай оролцож, одоогийн байдлаар эмэгтэйчүүдийн фитнессийн төрөлд А.Ичинноров алт, Б.Бадамсүрэн хүрэл медаль хүртээд байна.
