ХУУЛЬ САХИУЛАХЫН ИХ СУРГУУЛИЙН СОНСОГЧИД 280 ЧИГЛЭЛД ЭРГҮҮЛИЙН ҮҮРЭГ ГҮЙЦЭТГЭЖ БАЙНА
Хууль сахиулахын их сургуулийн сонсогчид 280 чиглэлд эргүүлийн үүрэг гүйцэтгэж байна Цагдаагийн ерөнхий газраас шинэ жилийн баярыг тохиолдуулан "Шинэ жил-Эргүүл хяналт” нэгдсэн арга хэмжээг зохион байгуулж байна.
Тус арга хэмжээнд Хууль сахиулахын их сургуулийн Цагдаагийн сургуулийн 1, 2, 3 дугаар дамжааны 400 сонсогч оролцож, 12 дугаар сарын 29-31-ний хооронд Нийслэлийн зургаан дүүргийн 14 цагдаагийн хэлтэс, Нийслэлийн цагдаагийн газрын Мөрдөн шалгах газрын Халаасны хулгайн гэмт хэрэгтэй тэмцэх хэлтэст хуваарилагдаж, 280 чиглэлд эргүүлийн үүрэг гүйцэтгэж байна.
