Кендалл Женнер доог тохуу болжээ
Америкийн нэрт дуучин Ленни Кравиц гадуур гарч, дэлгүүр хэсэхдээ сүрлэг том ноосон ороолттой явж олныг гайхшруулсан билээ. Тэгвэл түүнд айхтар ширүүн өрсөлдөгч гарч ирсэн бололтой.
Хэд хоногийн өмнө @itsmaysmemes хуудсан дээр үлэмж том өдөн хүрэмтэй Кендалл Женнерийн гэрэл зураг тавигдсан бөгөөд төд удалгүй энэ зургийг Францын Vogue сэтгүүл цахим хуудсан дээрээ байршуулж, дор нь "Өвөл ч ойрхон байна даа” гэсэн ёжтой үг бичсэн юм. Цахим сүлжээ хэрэглэгчид энэ зургийг хэд хоног хоорондоо илгээж, жинхэнэ онцлох сэдвээ болгоод амжсан байна.
