Хятад, Монголын хамтарсан сурвалжлагын баг 5-р сарын 15-ний үдийн өмнө, Буурал түүхийн улбаа гялалзасан Бээжингийн Яньчи нуурын экологийн хөгжлийн жишиг бүсэд зочилолоо.

Энэ бол APEC, “Бүс ба Зам” гэх мэтийн томоохон арга хэмжээнүүдийг хүлээн авдаг газар ажээ. Барилгын архитектур нь Хятадын 56 үндэстэн, 18 төрт улсыг бэлэгдсэн хэсэгтэй. Дотоод гадаадын хамгийн материалыг авчирч угсарсан талаар танилцуулж билээ. Монголын сэтгүүлчид эндэх тансаг барилга байгууламжийг шагширч, зураг даруулсаар байлаа.

Бээжингийн Яньчи нуурын экологийн хөгжлийн жишиг бүс нь 21 км² талбайг эзэлдэг. Яньчи арал өмнө нь хойг байсан бөгөөд дээр нь ой, Яньчи нуурын үзэсгэлэнт газрын нэг уран баримлын цэцэрлэг байрлаж байв. Дараа нь APEC уулзалтыг зохион байгуулах зорилгоор шинэчилж, жинхэнэ тусгаарлагдсан арал болгосон. Аралд ногоон байгууламжийн цар хүрээ маш их бөгөөд хаусуудын доторх хашаанд ногоон байгууламж тарьж, цэцэрлэгийн үзэмжийг бүрдүүлж, барилга ба байгаль орчныг нэгтгэсэн байна.

Яньчи арал 2010 оны 12-р сард суурь нь тавигдсан бөгөөд дараа жил хэсэгчлэн барилгын ажил эхэлж, 2014 оны 6-р сард бүрэн дууссан билээ.

Арлын нийт талбай 650,000 м², нийт барилгын талбай 180,000 м², нийт 15 барилгатай. Үүнд нэг хурлын төв, нэг зочид буудал, нэг цамхаг болон 12 хаустай байдаг.

Яньчи арлын ерөнхий зохион байгуулалт, үзмэрийн бүсийн зураглал, барилгын гадна үзэмж нь Хятадын эртний хааны ордны цэцэрлэг, уламжлалт барилгын хэв маягийг бүрэн тусгасан байдаг. Орчин үеийн барилгын загвар, онцлог, илэрхийллийн аргачлалыг ашиглан байршлын байгалийн үзэсгэлэнт нөхцлийг бүрэн ашигласан. 

Арлын бүтээн байгуулалт нь таван онцлогтой:

Дизайны хэв маяг: Хятадын эртний хааны цэцэрлэгийн “гол тэнхлэг” ба дөрвөн хашаатай орон сууцны онцлог, 12 бие даасан хаус нь Яньчи арлын гол тэнхлэгийг үндэс болгон цагийн зүүний дагуу байрласан. Хаус, зочид буудлын барилгын хэв маяг нь гол тэнхлэгийн симметри, дөрвөн хашаатай барилгын хэлбэрийг агуулсан.

Цэцэрлэгийн үзмэрийн бүс: Арлын ногоон хамралт маш өндөр, хаус доторх доторх хашааг бүрэн ашиглан ногоон байгууламж тарьж, цэцэрлэгийн үзэмжийг бүрдүүлж, барилга ба үзмэрийн бүсийг нэгтгэсэн.

Бүс нутгийн онцлог: 12 хаусыг 5 хэсэгт хуваасан: Зүүн хойд хэсэгт ой мод, Баруун хойд хэсэгт уул, Баруун өмнөд хэсэгт уулны хөндий, Өмнө хэсэгт арал, Зүүн талаараа усны эрэг эргийг багтаасан. Энэ нь бүс нутгийн соёл, барилгын онцлогийг харуулсан. Газрын байршлын хувьд хойд талаараа өндөр, өмнө талаараа нам, баруун талдаа уул, зүүн талдаа устай.

Бүрэн үйл ажиллагаатай: 12 хаусын талбай 6,000–9,000 м², дотор нь Ерөнхийлөгчийн апартамент, зочны өрөө, усан сан, кино театр, бие чийрэгжүүлэх төв, шатар тоглох өрөө зэрэг олон үйл ажиллагааны талбайтай. Үйлчилгээ нь байрлах, хооллох, зугаа цэнгэлийн олон талт боломжийг олгодог, жижиг зочид буудлын үүрэг гүйцэтгэдэг.

Эко, эрчим хүч хэмнэлттэй, бага нүүрстөрөгч ялгаруулдаг: Арлын хамгийн тод онцлог: далан дээр нарны цахилгаан станц, Жинянь зочид буудлын нарны энергийн фасад нь арал дахь нарны эрчим хүчний хэрэглээг дэмждэг; Три-эрчим хүчний технологи, 70 гаруй экологи, эрчим хүч хэмнэх технологийг ашигласан байдаг сан.