Дээрэмчид “Шунхлай”-н ажилтны аминд хүрчээ
Төв аймгийн Сэргэлэн суманд нэгэн ноцтой хэрэг гарсан байна. Цагдаагийн
газраас өгсөн мэдээллээр энэ сарын 17 буюу өнгөрсөн ням гаригт тус
суманд үйл ажиллагаа явуулдаг "Шунхлай”-н ШТС-ыг дээрэмдэж, түгээгчийн
аминд халдсан байна. Гэмт этгээдүүд ШТС-ын камерийг эвдэж бичлэгийг нь
устгасан бөгөөд тус станцаар үйлчлүүлэхээр ирсэн хүн хэргийн талаар
цагдаагийнханд дуудлага өгсөн аж. Уг хэргийг Төв аймгийн цагдаагийн
хэлтэс шалгаж байгаа бөгөөд эвдэрсэн камерийг сэргээхээр ажиллаж байгаа
гэнэ.
