“Тархийг үр дүнтэй ашиглах нь”, “Ой тогтоолтын аргачлалын зарчим”, “Гинжлэх аргаар үг цээжлэх дасгал” зэрэг сэдвүүдээр сургалт лекц авлаа
"Цэнгэг усны нөөц, байгаль хамгаалах төв” нь "Байгаль хамгаалах сан”-тай хамтран ажилтан албан хаагчдынхаа мэдлэг ур, чадварыг нэмэгдүүлэх зорилгоор "Монголын оюун ухааны академийн ерөнхийлөгч” Х.Хатанбаатарийг төв дээр урьж "Тархийг үр дүнтэй ашиглах нь”, "Ой тогтоолтын аргачлалын зарчим”, "Гинжлэх аргаар үг цээжлэх дасгал” зэрэг сэдвүүдээр сургалт лекц авлаа.Тэрээр лекцийн эхэнд хэлэхдээ оюун ухааны суурь бол ой тогтоолт юм. Харин ой тогтоолтоо тасралтгүй хөгжүүлэхэд оюуны дасгал буюу гинжлэх аргаар ямар ч зүйлийг холбон цээжлэх нь хамгийн үр дүнтэй хэмээн зөвлөсөн юм.
Монголын Оюун Ухааны Академи нь 2009 оны 10 сард "Монголын Оюуны хөгжил-Оюуны спортын төв” ТББ нэртэйгээр үүсгэн байгуулагдаж 2010 оны 9 сард нэрээ өөрчлөн үйл ажиллагаагаа идэвхжүүлж өнөөг хүртэл ололт, амжилтаар дүүрэн ажиллаж байна.
