Мэргэжлийн сүмогийн Харү башёг ёкозүна Харумафүжи тэргүүлэн барилдана

1095

Японы мэргэжлийн сүмо бөхийн гуравдугаар сарын тэмцээн Харү башё-ийн банцүке гарлаа. Энэ удаагийн башёг мэргэжлийн сүмогийн 70 дахь аварга Харүмафүжи Д.Бямбадорж тэргүүлэн барилдана. Баруун талаас Хакүхо аварга босох ба Какүрюү аварга зүүний удаад босох юм байна. Энэ удаа дээд зиндаанд манай найман бөх барилдана.
Гэмтэлтэй байсан озеки Тэрүнофүжи озеки нарын хамгийн сүүлд бичигдсэн байна. Харин Ичиножёо А.Ичинноров маэгаширагийн 11-т эрэмбэлэгджээ.

Арслангуудыг озеки Котошёогикү тэргүүлэн Кисеносато удаалжээ. Мөн маэгаширагийн зүүний нэгт Ичиножёо гуравт бичигдсэн байна.
Дэд зиндаанд манай долоон бөх хүч үзэх аж. Энэ зиндааг Сэйро Э.Өнөболд зүүний нэгээс тэргүүлж байна. Мөн ахмад бөх Асасекирюү барууны 2-т бичигдэн бусад бөхчүүдээ манлайлжээ.

Өмнөх тэмцээнд макүшита зиндааг тэргүүлсэн Шёотэнро зиндаа ахисан бол хүнд өвчтэй байгаа Токитэнкү макүшита зиндаа руу уруудсан аж.
Макүшитад манай зургаан бөх барилдахаас зүүний гурваас Дайшохо, долоод Токитэнкү, наймд Сакигаке нар бичигдсэн байна. Санданмэ зиндаанд манай гурван бөх хүч үзнэ.

 

Санал болгох

Сэтгэгдэл

АНХААРУУЛГА: Уншигчдын бичсэн сэтгэгдэлд www.ENE.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Сэтгэгдэлтэй холбоотой санал гомдлыг 9318-5050 утсаар хүлээн авна.
>