“Facebook” мөнгө олох боломжийг хэрэглэгчиддээ олгоно
"Facebook" компани өөрийн хэрэглэгчдэд мөнгө олох боломжийг олгохоор шийджээ. Өөрөөр хэлбэл, Нүүрномын хэрэглэгчид удахгүй нийгмийн энэ сүлжээг ашиглан, пост оруулаад л мөнгөтэй болж магадгүй.
"Facebook"-н захиргаа "Бид боломжийг судалж байна. Хэрэглэгчдийн явцуу хүрээнд энэ шинэ санаачилгын талаар санал асуулга явууллаа" хэмээн мэдэгджээ. Пост оруулахаас гадна шүтэн бишрэгчдээс "хандив" авах, зар сурталчилгаа хийж ашиг олох, ивээн тэтгэгчдийн бирж байгуулах, шууд хандивын товчлуур зэрэг маш олон боломжийг Нүүрномын захиргаа судалж байна.
Тусгайлан сонгож авсан, жинхэнэ хэрэглэгчид л энэ асуулгад хамрагдсан хэмээн "The Verge" мэдээллээ. Түүнээс гадна санал асуулгын үеэр хэрэглэгчдээс "үйлдэл хийх" товчлуурт (mодруулбал, тасалбар худалдаж авах, захиалга өгөх зэрэг) хэрхэн хандаж байгаа талаар асууж лавлажээ.
