Хотын дарга Э.Бат-Үүлийг Захиргааны хэргийн давж заалдах шатны шүүх дээр яллаа
ЦЕГ-ын даргын эрхийг булаан авч, машин ачих төлбөрийг хууль бусаар тогтоолгож 9230 жолоочийг 647 сая төгрөгөөр хохироосон 2013 оны А/769 захирамжийг нь шүүхээс хууль бус гэж үзлээ.
Эрх мэдэлтнүүд хууль, журам баталж, ард иргэдийг даган мөрдөхийг шаарддаг. Зөрчсөн иргэдээ торгох, шийтгэх, эрх хураах, эрх чөлөөг хасч хорих зэргээр залхаан шийтгэдэг. Гэтэл эрх мэдэлтнүүд өөрсдөө хууль, журмыг чөлөөтэй зөрчиж байна. Үүнийхээ төлөө ямар ч хариуцлага хүлээхгүй байгаатай хэзээ ч эвлэрэхгүй.
