|
Видео

Шинэ мэдээ

Өчигдөр, 09:51

Н.Алтанхуяг сайд аа, Францын засгийн газар ингэж огцорсон байна

Францын Засгийн газар өнгөрсөн долоо хоногт огцорлоо. Огцрох болсон хамгийн том шалтгаан нь эдийн засгийн 0 хувийн өсөлт байв. Өөрөөр хэлбэл, Ерөнхий сайд асан Мануэл Воллсыг анх танхимаа бүрдүүлж байхад "Оны эхний хагас жил гэхэд улсынхаа эдийн засгийг нэг хувийн өсөлттэй байлгана” хэмээн төсөөлсөн ч түүний энэхүү зорилго талаар болсон нь бүрдүүлсэн багаа тараахад хүргэсэн аж. Экс Ерөнхий сайдын мэдэгдлийг, бас Францын Засгийн газар огцорсныг дэлхий нийт анхааралтай ажиглаж байна. Хэдийгээр "Зарим сайдын үзэл бодлын зөрчлөөс үүдэлтэй” гэх мэт асуудал үүний цаана яригдаж байгаа ч эцсийн дүндээ засаг бүрдсэнээс хойш улс орных нь эдийн засаг сэргээгүйгээр барахгүй 0.2 хувиар буурсан, ингэснээр иргэдийн амьдрал улам доройтсон гэх шалтгаанаар Засгийн газраа ийнхүү огцруулж байгаа Мануэл Воллсыг сайшаах хандлага түлхүү ажиглагдах юм. Тэрбээр Засгийн газраа огцруулах тухай мэдэгдэлдээ "Одоогийн Засгийн газар улс орноо хөгжүүлэх, эдийн засгаа чангатгах тал дээр нэг үзэл бодолтой байж чадахгүй байгаа нь Засгийн газрыг огцруулах гол шалтгаан боллоо” хэмээн тайлбарласан нь анхаарал татаж байна. Энэхүү мэдэгдэлдээ "Одоогийн байдлаар эдийн засаг нь хямарч нэн яаралтай шийдэх асуудлууд уул овоо мэт олон байна” гэж бас дурджээ. Гэтэл өнөөдөр манай улсад улс төрийн яг ийм нөхцөл байдал нүүрлэчихээд байгаа. Тэр ч бүү хэл, зөвхөн эдийн засагт л гэхэд шийдэх асуудал уул овоо шиг бүү хэл, үсний ширхэг мэт олон бий. Цаашилбал, эдийн засгаа ийм хүнд байдалд оруулсан Эдийн засгийн хөгжлийн сайд Н.Батбаярт хариуцлага тооцох нь хамгийн эхний алхам гэдгийг ч хэн хүнгүй хэлдэг. "Салбарын сайд нь тэнгэртэй ярьж, зүйр цэцэн үг цээжилж суухад эдийн засаг сэргэхгүй” гэх хошигнол ч олны дунд тархаад байгаа. Гэтэл Францын огцорсон Засгийн газар шиг хариуцлага тооцох талаар хэн ч дуугарахгүй байгаа нь сонин. Тэр дундаа хамгийн түрүүнд танхимынхаа ажлыг дүгнэж, сайд нартаа ташуур өгөх ёстой гүйцэтгэх засаглалын тэргүүн Н.Алтанхуяг амандаа ус балгасан мэт таг дуугүй сууна. Үнэндээ энэ Засгийн газар бүрдсэнээс хойш улс о

Сэтгэгдэл

АНХААРУУЛГА: Уншигчдын бичсэн сэтгэгдэлд www.ENE.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Сэтгэгдэлтэй холбоотой санал гомдлыг 9318-5050 утсаар хүлээн авна.