СБД-ийн 60-р тойрог эмэгтэй төлөөлөлтэй болох уу?
Сүхбаатар дүүргийн 60-р тойрогт "гал гарсан” ширүүхэн өрсөлдөөн болох бололтой. Учир нь тус тойрогт 10 нэр дэвшигч өрсөлдөж байна.
Өмнө нь дандаа эрчүүдэд итгэл хүлээлгэдэг байсан тус тойрог энэ удаагийн жижисгэсэн тойргийн хүрээндээ шинэ сонголт хийх магадлал өндөр байна. Энэ тойрог томсгосон хэлбэрээр сонгууль явагддаг байхад эмэгтэй хүн нэр дэвших нь байтугай айж дөлдөг, хүүхнүүдэд халтай тойрог байлаа.
Харин энэ удаа эмэгтэйчүүд зориглон өрсөлдөж байна. Тодруулбал, арван нэр дэвшигчээс гурав нь эмэгтэй байгаагаараа онцлог юм. Ц.Наранчимэг /БИЕ ДААГЧ/, А.Лхамдэгэд /эвсэл/, Л.Сэлэнгэ /АШЁМЭХ-ны тэргүүн/ гэсэн бүсгүй зориг гарган МАНАН-ы хоёртой халз үзэхээр тулсан. Гэтэл сонирхолтой нь энэ гурвын хоёр нь МЗХ-ооноос гаргасан "хар жагсаалтад” орчихсон тууж явна. Энэ хоёр тойрогтоо танигдах байтугай дөнгөж ирж байхад нь ийм зүйл угтаж авсан нь хачирхалтай. Нам төлөөлсөн тэр хоёрт хувь хүнд нь биш, намуудад нь өгсөн сануулга болов уу.
