|
Видео

Шинэ мэдээ

Үрчлээтэй тэмцэх үнэгүй аргууд

Үрчлээтэй тэмцэх үнэгүй аргууд

 

Хөгшрөлттэй тэмцэх бараг л үнэгүй гэж хэлж болохоор зардал мөнгө шаардахгүй аргууд олон байдаг. Тэдгээр аргууд нь таныг дотроосоо залуужиж, жавхаажхад туслах болно. Энэ удаад 100% танаас өөрөөс тань хамаарах, ямар ч зардалгүй хамгийн үр дүнтэй аргуудыг хүргэж байна.

Зөв гоо сайхны бүтээгдэхүүнээ хэрэглээд, нарны хурц туяанаас холуур байхыг үрчлээ үүсэхээс сэргийлэх хамгийн эрүүл, найдвартай арга хэмээн үздэг байсан цаг саяхан. Гэвч үүнээс ч илүү үр дүнтэй нэг арга байна. Энэ бол илүү ухаалаг амьдрах явдал юм. Судалгаагаар, стресст өртөмтгий бүсгүйчүүдийн арьсанд неуропептид/арьсны мэдрэлийн эсийн төгсгөлд орших бодис/ ялгарч, хөгшрөлтийн явцыг түргэсгэдэг байна. Дараах зөвлөгөөг амьдралдаа хэрэгжүүлж, залуу харагдахаасаа гадна өөрийгөө залуугаар мэдрээрэй. Үүний тулд:

        Биднийг яарах тэвдэх үед бие махбодид маань стрессийн шинж тэмдгүүд үүсдэг. Зүрх савлаж, цусны даралт ихэсч байгаа нь мэдэгдээд эхэлбэл бушуухан шиг гүн амьсгаа аваад гаргаарай. Бүр болохгүй бол амьсгалын дасгал хийсэн ч болно. Ингэх нь бидний мэдрэлийн эсүүдийг тайвшруулж хариугүй ялгарах гээд байсан неуропептидийн "дайралт”-ыг зогсоох болно. Амьсгал авахад хэвлий чинь агаараар дүүрч, гаргахад буцаад хавтгайрч байвал чи зөв амьсгалж байна гэсэн үг.

  • Ажлаасаа тараад гэртээ очмогцоо нүүрээ хурдхан угаа. Зарим бүсгүйчүүдэд маань нэг мөсөн шөнө унтахдаа л нүүрэндээ ус хүргэх муу зуршил тогтсон байдаг. Энэ нь өөрөө ч мэдээгүй байхад чинь арьсыг чинь стресстүүлж хөгшрөлтийн явцыг түргэсгэнэ.
  • Сексийн хэмжээг ихэсгэ. Секс хийх үед эмэгтэйчүүдийн биенд бета эндорфин ялгардаг. Энэ нь стрессийн кортизол буурахад онцгой нөлөөтэй бодисууд болох коллаген, окситоцины хэмжээг хэвийн түвшинд барьдаг. Хэдий чинээ их энгэр зөрүүлнэ, төдий чинээ чи залуугаараа харагдана.
  • Хөдөлгөөн багатай дасгалыг туршиж үз. Йог, бясалгал зэргийн дасгал нь таны мэдрэлийн эсүүдийг тайвшруулдаг. Гэвч өдөрт 90 минут маттрасстай нөхөрлөх нь танд хэцүү байвал санаа зовох хэрэггүй. Дасгалын тайвшруулах үр дүн нь нэг дор хэр удаан хийснээс биш, харин хэр тогтмол хийдгээс шалтгаалдаг. Долоо хоногт 5-хан удаа, 10 минутаар йогийн сунгалтын дасгал хийх нь кортисолын хэмжээг багасгана.
  • Хөдөлгөөнгүй дасгал хиймээр байна уу? 10 минут бясалгахыг зөвлөж байна. Нүдээ аньж, гүн амьсгаа аваад, биеийнхээ бүх булчингуудыг сулла. Толгой дотроо төлөвлөгөө боловсруулахаас зайлсхийж "Би тайван байна” гэсэн үгээр бодлоо дүүргэ.
  • Зурааснуудыг массажаар арилга. Зөв цэгүүдийг "хөндөж” чадвал 5 минутын нүүрний массаж арьсыг толийлгодог. Та нүүрний хавангаа бууруулахыг хүсвэл шингэн зангирдаг цэгүүдийг олж иллэг хийх хэрэгтэй. Хоёр гарынхаа долоовор болон дунд хуруунуудыг нийлүүлж бариад, чихнийхээ доод хэсгээс эхлүүлэн тойрог маягаар илж, эгэмний яс хүртэл явуулна. Энэ дасгалыг 5 удаа хий. Дараа нь толгойгоо үл ялиг өргөж, эрүүнийхээ доод талаас хоёр чихнийхээ доод тал хүртэл массажлах хэрэгтэй. Хэрэв нүдний чинь эргэн тойрон хавдсан бол дотор ирмэгээс нь гадар ирмэг хүртэл иллэг хий. Шанаанаасаа эгц доошоо иллэг хийгээд, толинд харж өөрийгөө хэр залуу болсныг хараарай.

Etoim.mn

Сэтгэгдэл

АНХААРУУЛГА: Уншигчдын бичсэн сэтгэгдэлд www.ENE.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Сэтгэгдэлтэй холбоотой санал гомдлыг 9318-5050 утсаар хүлээн авна.